Landrabbinat Stood

Dat Landrabbinat Stood weer een von de Landrabbinaten, de da in dat Königriek Hannover geven hett. Dat weer tostännig för de Joden in de Landdrostie Stood.

Historie

De Landrabbiner harr de Opsicht över Synagogen un Jodenscholen un weer ok Richter för Striedsaken ünner Joden.

Nadem de Landrabbiner von dat Landrabbinat Haanover, Nathan Marcus Adler, 1845 doodbleven is, schull en egen Landrabbinat för de Landdrostie Stood billt warrn. De eerste Landrabbiner weer Joseph Heilbut. He hett toeerst in Bremervöör seten, denn von 1848 af an in Stood un toletzt von 1853 af an in Geestmünn.

Von wegen de ringe Tall Joden in de Landdrostie Stood (1913 hett dat dor 786 Joden geven), is na Heilbut sien Dood 1860 keen Landrabbiner mehr wählt worrn un dat Landrabbinat is von dat Landrabbinat Hannover un dat Landrabbinat Auerk mit verwalt worrn.

Later is dat Rabbinat ophoven worrn.

Landrabbiners

• 1842–1860: Joseph Heilbut
• 1860–1882: Samuel Ephraim Meyer (kommissarsch, Landrabbiner von dat Landrabbinat Hannover)
• 1882–1892: Paul Buchholz (kommissarsch, Landrabbiner von dat Landrabbinat Auerk)
• ~1896: Selig Gronemann (kommissarsch, Landrabbiner von dat Landrabbinat Hannover)

Literatur

• Jürgen Bohmbach: Sie lebten mit uns - Juden im Landkreis Stade vom 18. bis zum 20. Jahrhundert. Stood 2001