Joseph Heilbut

Vun Wikipedia
Zur Navigation springen Zur Suche springen

Joseph oder ok Arnold-Aaron Heilbut (* 30. Juli 1816 in Altno; † 1860 in Wiesbaden) weer en düütschen Rabbiner.

Heilbut is 1816 in Altno boren.[1] To Michaelis 1829 is he as Schöler an dat Christianeum in Altno kamen un Michaelis 1832 na Bruunswiek.[1] Dor nöhm he över veer Johr parallel Talmudstudien bi Rabbiner Samuel Levi Egers.[1] In’n Harvst 1835 hett he sik an de Universität Kiel inschreven, keem aver 1836 na Altno trügg un hett dor Salomon Ludwig Steinheim kennenlehrt.[1] An’n 1. Februar 1838 is he in Kiel Dokter worrn un kreeg denn sien eerste Steed as Rabbiner an de Synagoog in Glückstadt.[1]

Von Glückstadt keem he 1845 as Landrabbiner in dat Landrabbinat Stood, dat för de Joden in de Landdrostie Stood von dat Königriek Hannover tostännig weer.[1] He hett toeerst in Bremervöör seten.[1] 1848 is de Seet denn aver na Stood leggt worrn.[1] Dor weer Heilbut ok Talmudlehrer för Lehramtskannedaten.[1] 1853 is de Seet noch wedder verleggt worrn na Geestmünn.[1] Dor hett he an’n 27. Juni 1853 mit de Gemeen en Verdrag as Ünnerrabbiner, Schoolmeester un Vörsinger afslaten.[1] Heilbut is bet to sien Dood 1860 Landrabbiner bleven.[1] Na em hett de Landrabbiner von dat Landrabbinat Hannover, Samuel Ephraim Meyer, dat Leid över dat Landrabbinat Stood mit övernahmen. Heilbut is de eenzige Landrabbiner bleven, de alleen för dat Landrabbinat Stood tostännig weer.

Heilbut is 1860 bi en Kuur in Wiesbaden doodbleven.

Warken[ännern | Bornkood ännern]

Aggadae talmudicae conspectus. Dokterarbeid, Kiel 1838

Footnoten[ännern | Bornkood ännern]

  1. a b c d e f g h i j k l Michael Brocke, Julius Carlebach: Die Rabbiner der Emanzipationszeit in den deutschen, böhmischen und großpolnischen Ländern 1781-1871. Band 1, K. G. Saur, München 2004, Sied 419f