Landgericht Lümborg

Dat Landgericht Lümborg is en Gericht von de Ordentliche Gerichtsborkeit, dat in Lümborg sitt. Dat is een von de ölven Landgerichten in Neddersassen.

Gerichtsbezirk

To’n Gerichtsbezirk höört de Landkreise Celle, Horborg, Lüchow-Dannenbarg, Lümborg, Heidkreis un Ülzen. Dor leevt meist 900.000 Lüüd.

Ünner dat Landgericht Lümborg staht de Amtsgerichten Celle, Dannenbarg, Lümborg, Soltau, Ülzen un Winsen. Över dat Gericht staht dat Oberlandsgericht Celle un de Bundsgerichtshoff in Karlsruhe.

Organisation

Präsident von dat Gericht is Ulrich Skwirblies. Dat Gericht hett 148 Mitarbeiders, von de 41 Richters sünd. Dat gifft 13 Straaf- un ölven Zivilkamern (Stand 2008).

Präsidenten:

1. Oktober 1879–: Moritz Joseph (von dem) Busch
1896–1900: Leopold von Hassell
~1919: Karl Wilhelm Kulenkamp
1930–1933: Franz Puttfarken
1934–1938: Fritz Bohlmann
1. März 1938–30. September 1939: Hugo Kalweit
1967–: Heinrich Hoppe
1986–2004: Walther Heintzmann
2004–30. November 2013: Renate Menk
1. Dezember 2013–: Ulrich Skwirblies

Viezpräsidenten:

2007–30. November 2013: Ulrich Skwirblies

Gebüüd

Dat Gericht hett sien Seet in Lümborg un is siet 1925 in dat fröhere Lümbörger Slott ünnerbröcht, en massigen Barockbo, de 1696–1698 boot worrn is. Dat Slott is an de Noordsied von’n Marktplatz in Lümborg. Dat Gebüüd is von’n Architekt Borchmann boot worrn, de dor dree Gebüüd, de al ut dat Middelöller sünd, mit inbetagen hett. Dat hett de Celler Hertog Georg Willem in Opdrag geven. De Fassaad na’n Marktplatz hen wiest en symmetrischen Bo mit dree Etaaschen, bi den de ünnerste Etaasch wat höger liggt (över en Souterrain-Etaasch) mit en prächtig zentral Portal, na dat en Trepp ropgeiht.

Weblenken

Landgericht Lümborg. Mehr Biller, Videos oder Audiodateien to’t Thema gifft dat bi Wikimedia Commons.

Websteed von dat Landgericht Lümborg (hoochdüütsch)
Översicht över de Rechtspröök von dat Landgericht Lümborg (hoochdüütsch)

Koordinaten:53° 15′ N, 10° 24′ O

Landgerichten in Neddersassen