Moritz Joseph Busch
Moritz Joseph (von dem) Busch (* 19. November 1818 in Hilmssen; † 26. April 1912 ok dor) weer en düütschen Jurist.
Busch is 1818 as Söhn von Juliane A. Menshausen un Arnold Otto Busch (24. Juni 1782–1822) in Hilmssen boren.[1]
He hett Juristeree studeert un weer 1846 Assesser bi de Justizkanzlie Celle. Later weer he Obergerichtsviezdirekter an dat Obergericht Auerk. An’n 1. September 1876 is he Direkter von dat Obergericht Lümborg worrn. As de Obergerichten to’n 1. Oktober 1879 in Landgerichten ümwannelt worrn sünd, hett he dat Leid över dat Landgericht Lümborg övernahmen.
1869 hett he den Roden Aadlerorden IV. Klass kregen.[2] An’n 23. April 1883 is he von Prüßen as Aadligen anerkannt worrn un hett denn den Naam von dem Busch dragen.[1]
He hett Therese Praël freet.[1] De beiden harrn de Kinner Engelbert, Anna Theresia Julie (* 9. Januar 1853) un Klemens Kornelius (1855–7. April 1910).[3]
Footnoten[ännern | Bornkood ännern]
- ↑ a b c http://www.einegrossefamilie.de/egf/abfrage.pl?aktion=person_zeigen&person_id=10303&sprache=de
- ↑ Justiz-Ministerial-Blatt für die Preußische Gesetzgebung und Rechtspflege. 22. Januar 1869, 31. Johrgang, Nr. 4
- ↑ http://www.einegrossefamilie.de/egf/abfrage.pl?aktion=person_zeigen&person_id=10305&sprache=en