Laguna de los Micos
De Laguna de los Micos is en üm un bi 36 km² grote Laguun an de Küst von de Karibische See in dat Municipio Tela, Departamento Atlántida, Honduras.
De Laguun weer Deel von de Bahía de Tela, is aver dör Sedimenten, de an de karibische Küst langsdragen worrn sünd (Utglieksküst), von de Bucht aftrennt worrn. An de Münn liggt dat Garifuna-Dörp Miami. De wichtigste Tostroom is de Río San Alejo, de en Swemmkegel in de Laguun billt.
In’n Oosten von de Laguun liggt de Stadt Tela (mit de Vöröörd San Juan un Tornabé) un dor föhrt ok de Straat CA-13 an ehr langs.
Nöömt is de Laguun na de Apen (Wittschuller-Kapuzinerapen un Mantelbrüllapen), de in de Region micos nöömt warrt.
De kumplette Laguun is Deel von’n Jeannette-Kawas-Natschonaalpark.
Koordinaten:15° 48′ N, 87° 36′ W