Krink

Vun Wikipedia
Wesseln na: Navigatschoon, Söök
en Krink mit Radius un Dörmeter:
M = Middelpunkt
r = Radius
d = Dörmeter

De Krink (Mehrtall: Krinken) is een vun de wichtigsten Begrepen ut de Geometrie. En Krink is defineert as de Koppel vun Punkten, de to en Middelpunkt M densülvigen Afstand r hebbt. In de Ümgangsspraak warrt ok all dat, wat binnen den Krink liggt to den Krink rekent. Aver in de Mathematik höört sotoseggen bloots de Kant to den Krink.

De Krink is en slaten Bagen un deelt en Flach in en Rebeet buten un en Rebeet binnen.

De Ümfang vun en Krink is de Längt vun den Weg langs den Krink.

Formale Definitschoon[ännern | Bornkood ännern]

De formale Definitschoon vun den Krink k in dat Flach F geiht so:

De Klemmen defineert en Koppel. To disse Koppel höört alle Punkten X ut F dorto, de de Beding höllt, de na den Streek steiht: de Lien vun M na X hett de Längt r. Dorbi is M de Middelpunkt vun den Krink un r is de Radius.

De dubbelte Radius is de Dörmeter un warrt mit d betekent.