Definitschoon

Vun Wikipedia
Wesseln na: Navigatschoon, Söök

En Definitschoon leggt formal un mööglichst akraat fast, wat en Begreep meent. Dat Woort stammt vun latiensch de (vun ... weg) un finis (Grenz) un meent Afgrenzen.

En Definitschoon hett twee Delen:

  • de Begreep, de defineert warrt is dat Definiendum. Dat is latiensch för "dat, wat to defineren is".
  • de Beschrieven, de verkloort, wat dat nu is, heet dat "Definiens", dat is latiensch för "dat, wat defineren deit".

Definitschonen speelt en wichtige Rull in de Naturwetenschoppen, un besünners in de Mathematik.

Wenn een wat definieren will, denn gifft dat ünnerscheedliche Mööglichkeiten. De eenfachste is, eenfach to beschrieven, wat en Woort meent. Dat geiht aber ok formeller.

De Definitschoonsglieken[ännern | Bornkood ännern]

Besünners in de Mathematik warrrt geern en Glieken opstellt. Wenn een en Definitschoon formell opschrifft, geiht dat mit dat Äquivalenzteken "≡". Dorbi steiht dat Definiendum links un dat Definiens rechts, t.B.

Appelboom ≡ en Boom, an den Äppel wasst

Dormit warrt de Begreep Appelboom mit dat Aaft defineert, wat an em wasst.

Rekursive Definitschoon[ännern | Bornkood ännern]

In de Mathematik gifft dat ok noch de rekursive Definitschoon. Bi disse Oort vun formelle Definitschoon warrt en Begreep mit sik sülvst definieert un dat geiht so:

  1. toeerst defineert wi en Koppel mit tominnst een Element. Dat is de Grundkoppel.
  2. denn warrt mit disse Elementen annere Elementen fastleggt, de denn ok to de Koppel tohöört
  3. all de Rest warrt per Definitschoon utslaten.

Dormit kann een t.B. de natürlichen Tallen defineren:

  1. "0" is en natürliche Tall.
  2. Jedeen natürliche Tall hett en direkten Nafolger, de üm een grötter is. Disse Tall is ok en natürliche Tall.
  3. Allens, wat denn noch nich dortohöört, is keen natürliche Tall.