Korlshoawen

Wapen/Flagg

Koort

Basisdaten

Bundsland: Hessen

Kreis: Landkreis Kassel

Flach:

14,85 km²

Inwahners:

4.047 (Dezember 2006)

Inwahnerdicht:

272,5 Inwahners pro km²

151 m över de See

34385

05672

Koordinaten:51° 23′ N, 9° 16′ O51° 23′ N, 9° 16′ O

Grenzen bi OSM:

1112227

Gemeenslötel:

06 6 33 002

Öörd in de Gemeen:

2 Stadtdelen

Börgermeester:

Marcus Dittrich (sunner Partei)

Websteed:

www.bad-karlshafen.de

Korlshoawen is ene lüttje Stadt in den Landkreis Kassel ganz in'n Noorden vun Hessen. Hüdigendags is dat en Kur- un en Baadstadt. De geiht över 14,85 km² hen un dor leevt bi 4.000 Inwahners. To düsse Stadt höört ok noch dat Dörp Helmarshusen, wat bit 1972 en sülvstännig Dörp weer.

Geografie

Laag

Korlshoawen liggt an de nöördliche Grenz vun Hessen, just in'n Süüdoosten vun dat Dreelännereck Neddersassen- Hessen- Noordrhien-Westfalen, twuschen den Solling in'n Noorden un den Reinhardswald in'n Süden. In Korlshoawen münnt de Diemel vun Süden her in de Werser.

Nabers

Korlshoawen grenzt in'n Noorden an de gemeenfree Gemarken Solling, in'n Noordwesten an den Flecken Bodenfelde (beide in'n Landkreis Noordheim in Nedersassen), in'n Oosten an de gemeendefree Gemark Gutsbezirk Reinhardswald, in'n Süden an de Stadt Dringelborg (beide in den Landkreis Kassel) un in'n Westen an de Stadt Beverungen in den Landkreis Höxter in Noordrhien-Westfalen.

Historie

Korlshoawen is in dat Johr 1699 vun Landgraaf Korl vun Hessen-Kassel grünnt wurrn. Dormols güng dat dor üm, den Landgraaf-Korl-Kanaal to boon. De Landgraaf vun Hessen woll üm den Toll in Hannobersch-Münnen ümto kamen un plaan, en nee Waterstraten vun de Werser bit hen na siene Residenzstadt Kassel un dor över hen bit na Marborg boon to laten. Ut düsse Plaans is man blooß to en lüttjen Deel wat wurrn. Anners güng dat ok nich mit de Plaans för de Stadt. De eersten Siedlers in düsse barocke „Plaanstadt“ weern franzöösche Hugenotten un Waldenser. De eerste Naam vun düsse nee grünnte Stadt weer an un for sik „Syburg“, man 1717 hett se den neen Naam „Corlshoawen“ kregen. Dat is nich ganz kloor, wer düsse Stadt in den Naam vun den Landgraven boot hett. Faken warrt seggt, dat weer de Böverhoffbomeester Paul du Ry ween, de ok de Kasseler Överneestadt plaant hett. Helmarshusen, wat an un for sik veel öller is, is hüdigendags en Stadtdeel vun Korlshoawen. Boven de ole Stadt up de annere Siet vun de Werser liggt de Goornstadt, de veel later anleggt wurrn is, dormit mehr Lüde dor wahnen kunnen.

1838 is en Born mit Water funnen wurrn, wat de Lüde gesund maken schall. Dor is Korlshoawen üm to en Kuroort wurrn. De Titel „Bad“ hett de Stadt denn 1977 kregen.

An'n 30. März 1848 is de Corlsbahn upmaakt wurrn. Dat weer en Bahnstreck vun 27,92 km, de vun Grebensteen över Hümme na Korlshoawen toföhren dö. Dat weer de eerste Iesenbahn in Hessen.

Inwahners

1885 = 1600 | 2901 tos. mit den Ortsdeel Helmarshusen

1895 = 1724 | 3038 tos. mit den Ortsdeel Helmarshusen

1939 = 2224 | 3565 tos. mit den Ortsdeel Helmarshusen

1961 = 3031 | 4676 tos. mit den Ortsdeel Helmarshusen

1970 = 2910 | 4674 tos. mit den Ortsdeel Helmarshusen

2006 = | 4047 tos. mit den Ortsdeel Helmarshusen

Verkehr

Korlshoawen is en Endpunkt vun de B 80 na Halle hen. In de Stadt münnt de B 80 in de B 83 in. De Ansluss an de A 7 liggt bi Hannobersch Münnen, wat bi 40 km wiet af is. De A 44 is just so wiet af. Dor kann een ok na den Flegerhaben Patterbuorn-Lippstadt henkamen.

Politik

Stadtverordentenversammeln

Bi de Kommunalwahl an'n 26. März 2006 is düt rutkamen:

Parteien un Wählergemeenschoppen		% 2006	Sitten 2006	% 2001	Sitten 2001
CDU	CDU	28,5	6	27,7	6
SPD	SPD	42,4	10	50,0	12
FWG	Freie Wählergemeenschop Korlshoawen-Helmarshusen	29,0	7	22,2	5
alltohopen		100,0	23	100,0	23
mitmaakt hefft in %		53,0		57,3

Partnerschoppen

Korlshoawen is Partnerstadt vun

's-Gravenzande in den Nedderlannen vun 1961 af an un
Bad Suderode in Sassen-Anholt vun 1990 af an.

Spraak

Ofschoonst Korlshoawen up düsse Siet vun de Benrather Linie in de Gegenden liggt, wo an un for sik Plattddütsch snackt wurrn is, is Platt in de Stadt bit todaag nich bruukt wurrn. Dat liggt woll dor an, dat de eersten Inwahners Flüchtlingen un Lüde ut annere Gegenden weern.

kiek ok bi

Weblinks

Städer un Gemenen in den Landkreis Kassel