Lebenogge

Vun Wikipedia
Zur Navigation springen Zur Suche springen
Wapen/Flagg Koort

Wapen vun Lebenogge

Lebenogge
Laag vun Lebenogge in Düütschland
Basisdaten
Bundsland: Hessen
Kreis: Landkreis Kassel
Flach: 48,87 km²
Inwahners: 3.704 (Dezember 2006)
Inwahnerdicht: 75,8 Inwahners pro km²
Hööchd: 176 m över de See
Postleettall: 34396
Vörwahl: 05676
Geograafsche Laag:
Koordinaten:51° 17′ N, 9° 10′ O
51° 17′ N, 9° 10′ O
Grenzen bi OSM: 455279 455279
Gemeenslötel: 06 6 33 016
Öörd in de Gemeen: 8
Börgermeester: Peter Lange (FW)
Websteed: www.stadt-liebenau.de
Lebenogge - ut Matthäus Merian siene Topographia Hassiae vun 1655

Lebenogge (Hoochdüütsch: Liebenau) is en lüttje Stadt in den Landkreis Kassel in Hessen.

Laag[ännern | Bornkood ännern]

Lebenogge liggt an de Grenz na Noordrhien-Westfalen hen, meist in’n bütersten Norden Norden vun den Landkreis Kassel an den süüdööstlichen Rand vun de Warburger Börde. Dat sünd woll bi 25 km Luftlinie noordwestlich vun Kassel. In’n Westen liggt Warburg un in’n Oosten liggt Geismar.

Vun Westen na Oosten flutt de Diemel dör Lebenogge dör. Wieter boven flutt de Eggel vun Noorden her in de Diemel, in de Stadt münnt dor de Vombäke (ok vun’n Norden her) un ünner de Stadt münnt de Warme vun Süden her in de Diemel.

Dat sünd bloß en poor Km, denn is een na Noordosten to in den Solling, na Oosten to in den Reinhardswoold, na Süden in den Habichtswald un na Noordwesten in de Eggebargen.

Gemeenden ümto[ännern | Bornkood ännern]

In Noorden grenzt Lebenogge an de Stadt Dringelborg, in’n Oosten an de Stadt Geismar, in’n Süüdoosten an de Stadt Grebensteen, in’n Süden an de Gemeenden Calden un Brüne (al in den Landkreis Kassel). In Westen stött de Grenz an de Städer Warborg un Bentreike. De liggt beide in’n Kreis Höxter in Noordrhien-Westfalen.


Stadtdelen[ännern | Bornkood ännern]

De Stadt sett sik tohopen ut den Hööftoort Lebenogge (687 Inwahners) un de Oortsdelen Ersen (357 Inwahners), Grimelsheim (60 Inwahners), Haueda (372 Inwahners), Loamerden (426 Inwahners), Niedermeiser (760 Inwahners), Ausmen (387 Inwahners) un Zwergen (373 Inwahners).

Historie[ännern | Bornkood ännern]

In de Warborger Börd mit ehre sachten Hövels un fruchtboren Sietlänner leevt al vu uurtieden af an Minschen. Dörgahns is se vun de jüngere Steentiet af an besiedelt wurrn. Ut düsse Tieden is allerhand wat ut de Eer utbuddelt wurrn. Hier is ok al siet ole Tieden Grenzland. Fröher hefft de Chatten, de Cherusker un de Sassen dor üm streden, düt fruchtbore Land in’e Hannen to kriegen. Later weern dat denn de Bischöp vun Patterbuorn un de Landgreven vun Hessen. Hüdigendags löppt dor de Grenz twuschen Hessen un Noordrhien-Westfalen langs.

De Naam vun Lebenogge steiht to’n eersten Mol in en Urkunn ut dat Johr 1293 to lesen. De Steenbrüch bi Lomerden un Haueda sünd de gröttste Fundsteed för Fossilien in Noordhessen. In den Musselkalk hefft sik Överresten vun Nothosauriers un vun Seeleljen funnen. De Steenbrüch höört to dat Museum för Naturkunne in Kassel.

Liebenau wurde im Jahre 1293 erstmals urkundlich erwähnt.

In de Tiet na’n Krieg is Lebenogge noch mol wedder wichtig wurrn. De Bahnhoff weer dormols de Grenzbahnhoff twuschen den engelschen un den amerikaanschen Sekter.

Politik[ännern | Bornkood ännern]

Stadtverordentenversammeln[ännern | Bornkood ännern]

Bi de Kommunalwahl an’n 26. März 2006 is düt rutkamen:

Parteien un Free Wählers %
2006
Sitze
2006
%
2001
Sitze
2001
CDU CDU 7,9 2 7,1 1
SPD SPD 34,3 8 42,2 10
FWG Free Wählers Lebenogge 57,8 13 50,7 12
Alltohopen 100,0 23 100,0 23
Mitmaakt hefft in % 65,2 72,7

Börgermeester[ännern | Bornkood ännern]

Peter Lange Free Wählers