Knut Kiesewetter

Vun Wikipedia
Zur Navigation springen Zur Suche springen

Knut Kiesewetter (* 13. September 1941 in Stettin; † 28. Dezember 2016 in Garn[1]) weer en düütschen Jazz-Singer, plattdüütschen Leedermaker, Basuunspeler, Gitarrenspeler, Musikproduzenten un Schriever.

Leven[ännern | Bornkood ännern]

Mit dree Johren is Kiesewetter na Garn up de Halfinsel Eiderstedt in Noordfreesland tagen. Mit 14 hett he anfungen, Basuun to spelen un Jazzmusik to singen. Jack Teagarden hett em dor Lust to maakt. As he up Musik studeern dö, hett he mit 19 Johren siene eersten Singles upnahmen. Twee Singles, de he mit de Gruppen Die Tramps upnahmen harr, sund in de düütschen Charts kamen. Dat weern Am Missouri (Oktober 1961, Platz 24) un Nur eine kleine Träne von dir (Juli 1962, Platz 38). Toeerst hett he unner allerhand Künstlernaams speelt, man amenne is he unner sien egen Naam bekannt wurrn. In de 1960er un 1970er Johre hett he ölben Mol den Düütschen Jazzpoll as Singer wunnen. In düsse Tied hett he ok dree Mol den Jazz Poll vun de franzöösche Jazztiedschrift Blue Note wunnen. Dor hefft Lüde ut ganz Europa mitmaakt. In siene Musik hett he ganz verscheden Inflööt unnerbrocht, as Blues, Jazz, Rock, Soul, Gospel, Chanson un Folk. Up Schallplatten hett he den Choral Willst du dein Herz mir schenken vun Johann Sebastian Bach sungen. Dat Spektrum vun siene Musik lang vun Oldtime Jazz bit na Bebop hen. He hett ok mit Chet Baker, Dizzy Gillespie und Joe Zawinul tohopen speelt. Faken is he mit sien Broer Hartmut un siene Suster Sigrun upträen.

An't Enn vun de 1960er Johren fung he an un produzeer Schallplatten. He hett unner annern Hannes Wader, Volker Lechtenbrink un Fiede Kay up'n Markt brocht un is de ehrn Produzenten ween. 1971 is he umtrocken na den Fresenhoff bi Husum. In de Tied, de denn keem, is Kiesewetter bekannt wurrn mit allerhand Leeder up Plattdüütsch, Noordfreesch un ok Hoochdüütsch, wo dat fökener ok um Politik bi gahn is. Alltohopen hett he bi 50 Albums rutbrocht. De Leeder vun mien Fresenhof hefft dor en Gollen Schallplatt vun kregen.

In de Politik hett Kiesewetter in de laten 1970er Johre bi de Grüne Liste Nordfriesland mitmaakt. Dat weer een vun de eersten Umweltschuul-Wählergruppen in Düütschland. In de 1980er Johre hett he an de Hoochschool för Musik un Theater Hamborg Kompositschoon un Textschrieven för Leeder lehrt.

In't Johr 2000 hett Kiesewetter vun Wolfgang Ernst Fürst zu Ysenburg und Büdingen den Ridderslag as Ridder vun de Ronneborg kregenb vunwegen siene Verdeenste um de düütsche Jazzmusik.

Diskografie (Utwahl)[ännern | Bornkood ännern]

Albums[ännern | Bornkood ännern]

  • 1964: Songs und Balladen (mit Hartmut un Sigrun Kiesewetter)
  • 1964: Halleluja – Deutsche Spirituals (Polydor)
  • 1967: That’s Me (Star-Club Records)
  • 1968: The Gospel Train
  • 1968: Happy Dixie
  • 1970: Stop! Watch! And Listen! (MPS)
  • 1972: Das darf doch nicht wahr sein (Somerset)
  • 1972: Die besten Ostfriesenwitze vertellt vun Knut Kiesewetter
  • 1973: Ihr solltet mich nicht vergessen (BASF)
  • 1974: Keiner hat mich richtig lieb (Polydor)
  • 1976: Leeder vun mien Fresenhof (Polydor)
  • 1976: Vom Traum, ein großer Mann zu sein (Polydor)
  • 1976: STARGALA Knut Kiesewetter (Dubbelalbum, Polydor)
  • 1976: Vom Traum ein großer Mann zu sein
  • 1978: Wo büst du ween (Polydor)
  • 1978: Springe nicht in mein Boot (Polydor)
  • 1980: Jazz Again (Polydor)
  • 1982: So sing ich nur für dich
  • 1983: Lass sie niemals siegen (RCA)
  • 1985: I’m Still Singing (RCA)
  • 1987: Wiehnachtstied op uns Fresenhof
  • 1989: Wenn man nicht in ist (BMG Ariola)
  • 1991: Morgenlicht (Dino, Knut Kiesewetter und Familie)
  • 2005: Wiehnachtstied (4 CD)
  • 2007: 50 Years on Stage (4 CD)

Hier hett he bi annere Albums mitmaakt[ännern | Bornkood ännern]

Weblenken[ännern | Bornkood ännern]

  • Sänger Knut Kiesewetter gestorben. Meldung des NDR van' 28. Dezember 2016. Afropen an' 28. Dezember 2016.