Karkenkreis Cuxhoben
De evangeelsch-luthersche Karkenkreis Cuxhoben is en Karkenkreis in Neddersassen. He höört bi’t Sprengel Stood von de Evangeelsch-luthersche Landskark Hannover. To’n Karkenkreis Cuxhoben höört üm un bi 28.000 Liddmaten in 10 Kaspels. Supperndent is Jörg Meyer-Möllmann. He hett sien Seet in Cuxhoben.
Geografie
[ännern | Bornkood ännern]De Karkenkreis Cuxhoben liggt in’n Noordoosten von Neddersassen. Dat Rebeed is de Noordspitz von’n Landkreis Cuxhoben.
De Karkenkreis Cuxhoben grenzt in’n Süüdoosten an’n Karkenkreis Hadeln un in’n Süüdwesten an’n Karkenkreis Wersermünn. Güntsiet de Elv liggt de Karkenkreis Dithmarschen (in’t Sprengel Sleswig un Holsteen von de Noordkark).
Geschicht
[ännern | Bornkood ännern]De Karkenkreis hett bet 1977 to de Evangeelsch-Luthersche Kark in’n Hambörgschen Staat tohöört un is denn Deel von de Landskark Hannover worrn (uttuuscht gegen den Karkenkreis Horborg, de von Hannover an de ne’e Noordelvsche Evangeelsch-Luthersche Kark wesselt is). Dor sünd denn ok de Karkengemenen Olenbrook un op de Worth bi von’n Karkenkreis Hadeln an’n Karkenkreis Cuxhoben wesselt.
Supperndenten
[ännern | Bornkood ännern]- 1975-1991: Jürgen Rabe
- 1. September 1995-April 2009: Almuth von der Recke
- April 2009-Enn 2009: Andreas Wesselmann-Mahler (kommissarsch)
- Enn 2009-: Jörg Meyer-Möllmann
Karkengemenen in’n Karkenkreis Cuxhoben
[ännern | Bornkood ännern]- Emmaus-Kark in Cuxhoben
- Gnadenkark in Cuxhoben
- Petri-Kark in Cuxhoben
- Gertrud-Kark in Döös
- Abundus-Kark in Groden
- Nicolai-Kark in Olenbrook
- Krüüzkark in Olenwoold
- Martin-Kark in Ritzbüttel
- Johannes-Kark in Sahlenborg
- Jacobi-Kark op de Worth
Weblenken
[ännern | Bornkood ännern]- Websteed von’n Karkenkreis (hoochdüütsch)
Bremerhoben | Bremervöör-Zeven | Buxthu | Cuxhoben | Hadeln | Oosterholt | Rodenborg | Stood | Veern | Wersermünn