Juche-Toorn

Vun Wikipedia
Juche-Toorn

De Juche-Toorn (koreaansch 주체사상탑) is en 170 Meter hogen Toorn in Pjöngjang un dat Wohrteken vun de Stadt. He is 1982 to Kim Il-sung sien 70. Geboortsdag boot worrn. Den Naam hett de Toorn na de Juche-Idee.

De Toorn is ut 25.550 Granitblöck boot (een för elk Dag in Kim Il-sung sien Leven) un baven op sitt en 20 Meter hoge Fackel ut Metall. Binnen sitt Lichten, de sik bewegt, dat de Indruck vun en lüchten Füür opkummt. De Toorn warrt nachtens ok jümmer mit Lichten anstrahlt. Vörn an’n Toorn staht in koreaansche Bookstaven 주체 (Juche) opsteiht. To’n Toorn höört en 30 Meter grote Statue, de ut dree Personen besteiht, de en Hamer, en Sickel un en Schrievpinsel hoochhollt, un för de dree Gruppen vun de Arbeiders, Buurn un Intellektuellen staht. Rund üm dat ganze sünd denn noch söven annere Gruppenstatuen, de teihn Meter hooch sünd un för Industrie, Buuree, Kunst un annere Themen staht.

Baven gifft dat en Utsichtsplattform na de en Lift föhrt. De Toorn liggt an’t Över vun’n Stroom Taedong.

Weblinks[ännern | Bornkood ännern]

Juche-Toorn. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:39° 1′ N, 125° 46′ O