Taedong

Vun Wikipedia
Koort von’n Taedong binnen Noordkorea

De Taedong (koreaansch 대동) is en Stroom in Noordkorea. He hett sien Born in de Rangrim-Bargen, flütt dör de Höövdstadt Pjöngjang un münnt bi Nampo in de Bucht von Korea. Alltohoop is he 439 km lang.

1986 is de Nampo-Damm trech worrn, de acht Kilometer lang is un den Stroom na de Gele See hen afsperrt. De Damm schall vör Stormfloden schulen un dor warrt Frischwater för de Bueree rutnahmen. 36 Siels un dree Slüsen helpt, dat Scheep bet 50.000 BRT liekers den Taedong bet Nampo noch hoogföhren köönt. Scheep von 4000 BRT kaamt bet Songnim un Scheep von 2000 BRT bet 65 km vör’n Born.

Baven an’n Stroom is an’n 5. Oktober 2005 de Nyongwon-Damm trech worrn, de Pjöngjang vör Stroomfloden schulen schall un as Kraftwark bruukt warrt.

Weblenken[ännern | Bornkood ännern]

Taedong. Mehr Biller, Videos oder Audiodateien to’t Thema gifft dat bi Wikimedia Commons.