Johann Heinrich Castendyk

Vun Wikipedia
Zur Navigation springen Zur Suche springen

Johann Heinrich Castendyk (* 29. Dezember 1795 in Bremen; † 31. Dezember 1833 in Baden-Baden) weer en dütschen Verwaltungsbeamten.

Castendyk is 1795 as Söhn von Gesche Catharine, borene Smidt (22. Mai 1775–10. November 1827), un den Bremer Raadsherr Gerhard Castendyk (23. September 1769–23. November 1801) boren. De Moder weer de Süster von’n Bremer Börgermeester Johann Smidt. Castendyk hett von 1816 bet 1821 Juristeree an de Universitäten Göttingen, Heidelberg un Tübingen studeert. Mit en Dokterarbeid bi Eduard Schrader is he 1821 in Tübingen Dr. jur. worrn.[1] Castendyk harr en Fründschop mit’n Dichter Wilhelm Hauff, de bi een von sien Besöken bi Castendyk sien Phantasien im Bremer Ratskeller schreven hett.

Castendyk is 1821 Avkaat in Bremen worrn. Nadem de Stadt Bremerhoben grünnt worrn is, hett em de Bremer Senaat 1827 to’n Amtmann von dat Amt Bremerhoben maakt. Nadem Castendyk wohrschienlich 1830/1831 de Tuberkuloos kregen hett, hett em Johann Daniel Thulesius vertreden. 1833 is Castendyk dör dat Lungenlieden doodbleven. Thulesius is denn sien Nafolger ween.

Literatur[ännern | Bornkood ännern]

Footnoten[ännern | Bornkood ännern]

  1. Dokterarbeid: Quaestionis, quaenam sit causa differentiae in jure Romano celebratae inter res mancipi et nec mancipi, disceptationem.