Johann Daniel Thulesius

Vun Wikipedia
Zur Navigation springen Zur Suche springen

Johann Daniel Thulesius (* 9. August 1800 in Bremen; † 12. Juli 1850 in Bremerhoben) weer en düütschen Jurist.

Thulesius is 1800 as Söhn von Conrad Heinrich Thulesius boren. He hett Juristeree an de Universitäten Jena, Tübingen un Göttingen studeert un denn in Göttingen sien Dr. jur. maakt. 1823 is he in Bremen Avkaat un Obergerichtsavkaat worrn. He harr en Fründschop mit’n Bremer Börgermeester un Grünner von Bremerhoben (1827) Johann Smidt. 1830 is he as Vertreder för den kranken Amtmann von dat Amt Bremerhoben, Johann Heinrich Castendyk, na Bremerhoben gahn un hett dat Amt na Castendyk sien Dood to’n 2. Mai 1832 kumplett övernahmen. De neegrünnte Stadt hett in disse Tied ehr Havens utboot un is gau opbleiht. Thulesius weer tostännig för de Verwaltung, de Polizei un de Gerichten. De Düütsche Revolutschoon 1848/1849 un de kommunale Sülvsverwaltung schall he kritisch gegenöverstahn hebben. Thulesius is 1850 doodbleven, nadem he sik mit de swarten Pocken ansteken harr.

Literatur[ännern | Bornkood ännern]