Intergovernmental Panel on Climate Change

Dat Intergovernmental Panel on Climate Change (IPCC, Tüschenstaatlich Utschuss över Klimaveränderung), in dat Düütsche faken as Weltklimarat betekent, wurr in’ November 1988 vun dat Umweltprogramm vun de Vereente Natschonen (UNEP) un de Weltorganisatschoon för Meteorologie (WMO) as tüschenstaatlich Institutschoon in’t Leven ropen, um för politische Entscheedensdräger den Stand vun de wertschaplich Forschung tosommentofaaten. Die „Rechtmäßigkeit der wissenschaftlichen Inhalte“ von IPCC-Berichten erkennen Regierungen durch die Verabschiedung der Zusammenfassung für politische Entscheidungsträger an. De eerste Vörsitter vun den IPCC weer de sweedsch Meteorolooge Bert Bolin. Hööftupgaav vun den de Klimarahmenkonventschoon (UNFCCC) biordneten Utschuss is dat, Risiken vun den vun Minschen veroorsaakt Klimawannel to beoordeelen as ok Vermeidungs- un Anpassungsstrategien tosommentodragen. De Sitt vun dat IPCC-Sekretariat is in Genf (Swiez).

De Organisation wurr 2007, gemeensam mit de ehmaligen US-Viezpräsidenten Al Gore, mit den Freedensnobelpries uttekent.

Siet 2002 weer de indische Ökonom Rajendra Kumar Pachauri Vörsitter vun den IPCC. Nah de sien Rückträe vör de Tiet in’ Februar 2015 hett de bitherige Viezpräsident Ismail El Gizouli de vörövergahnd Leiden övernommen. De nächste IPCC-Präsident wurrd turnusgemäß in’ Oktober 2015 in en geheimen Afstimmung wählt. Bither hemm Jean-Pascal van Ypersele (Belgien), Thomas Stocker (Swiez), un Chris Field (USA) ankünnigt, sück as Vörsitter to bewerben. In’t Gespräch sünd aber ok noch Hoesung Lee (Süüdkorea), Ottmar Edenhofer (Düütschland), Nebojsa Nakicenovic (Öösterriek) un David Griggs (Grootbritannien).

Överblick

De IPCC bedrifft sülvst kien Forschung, sonnern drocht de Ergevnisse vun Forschungen in de verscheeden Disziplinen tosommen, dorünner besünners vun de Klimatologie. He bild en kohärente Dorstellen vun dit Material in so nömmt Saakstandsberichten af, den IPCC Assessment Reports. De Berichte vun dat IPCC wurrn in Arbeitsgruppen erstellt un vun dat Plenum akzepteert. Jeder bedeeligt Forscher kann in dree upnannerfolgen Versionen Kommentare, Kritik un Vörslääg inbringen. Mehr as hunnert Forscher hemm dat ok maakt; unafhängige Review Editors hemm dor en Oog drup, of de Endfaaten all dat utreckend würdigen deiht.

• 2001 – in’ 'Darten Saakstandsbericht' un
• 2007 – in’ 'Veerten Saakstandsbericht'
• 2013/2014 – in’ 'Fievten Saakstandsbericht'

Hett de IPCC völziteert Utseggen över tokünftig Klimaveränderungen maakt. Disse Utseggen sünd siet Johren de domineerend Basis vun de politischen un wetenschaplich Diskussionen över de globale Erwärmung.

Upgaaven

De Upgaaven vun den IPCC umfaaten:

• dat Ünnersöken vun dat Risiko vun de vun Minschen veroorsaakt Klimaveränderungen (Globale Erwärmung)
• Dorstellen vun den bekannten Wetenstand to de ünnerscheedlich Aspekte vun den minschenmaakt Klimawannel;
• dat Afschätzen vun de Folgen vun de globale Erwärmung för Umwelt un Sellschopp;
• dat Formuleeren vun realistisch Vermeidungs- oder Anpassungsstrategien as ok
• dat Fördern vun de Deelnahm vun Entwicklungs- un Schwellenlänner an de IPCC-Aktivitäten.

Literatur

• Silke Beck: Das Klimaexperiment und der IPCC: Schnittstellen zwischen Wissenschaft und Politik in den internationalen Beziehungen. Metropolis-Verlag, Marburg 2009, ISBN 978-3-895-18-771-1.
• Ulrike Bolle: Das Intergovernmental Panel on Climate Change (IPCC): Eine völkerrechtliche Untersuchung. Mohr Siebeck, Tübingen 2011, ISBN 978-3-16-151665-8.

Weblenken

Intergovernmental Panel on Climate Change. Mehr Biller, Videos oder Audiodateien to’t Thema gifft dat bi Wikimedia Commons.

• Websteed vun den IPCC (engelsch)
• Shardul Agrawala: [1] Context and Early Origins of the Intergovernmental Panel on Climate Change; in: Climatic Change, August 1998, Volume 39, Issue 4, pp 605–620 (afropen an’ 11. August 2015, engelsch)
• Syntheseberichte un Tosommenfaaten vun de Saakstandsberichte vun den IPCC up de Siet Deutschen IPCC-Koordinierungsstelle
• Dat Intergovernmental Panel on Climate Change up de Sieden vun den Nobelpries (engelsch)