Albert Arnold Gore

Vun Wikipedia
Al Gore 1994
Ünnerschrift vun Al Gore
Ünnerschrift vun Al Gore

Albert Arnold „Al“ Gore Jr. (* 31. März 1948 in Washington, D.C.) is en US-amerikaansch Politiker (Demokraatsche Partei), Ünnernehmer as ok Umweltschuuler. Van 1993 bit 2001 weer he ünner Präsident Bill Clinton de 45.  Viezpräsident vun de USA. 2007 kreeg he den Freedensnobelpries.

Van 1977 bit 1985 hett he den Bundsstaat Tennessee as Afordneter in dat Repräsentantenhuus, vertreeden, ansluutend denn in den Senat. 1988 is he mit sien eegen Präsidentschapskandidatur scheitert. Nah sien Amtstiet as Viezpräsident is he för de Demokraten bi de Präsidentschapswahl 2000 weer antreeden, weer aber den republikaanschen Kandidaten George W. Bush ünnerlegen. Woll kunn Gore bundswiet över 500.000 Stimmen mehr up sück schrieven as sien Gegenkandidate, aber Bush kreeg över de Bundsstaaten mehr Wahlmännerstimmen un dormit den Wahlsieg. Dat Ergevnis in’ Bundsstaat Florida broch de Entscheeden, wenngliek dat bannig umstreeden weer.

Gore hett mehrere Schriften to’n Umweltschuul herutbrocht un hollt weltwiet Vördrääg to dat Thema. Ut sien Multimediapräsentatschoon över de globale Erwärmung is de mit en Oscar uttekent Dokumentatschoon Eine unbequeme Wahrheit (An Inconvenient Truth) hervörgahn. Dorneben hett he dat GLOBE-Programm up den Weg brocht, as ok de Konzertreeg Live Earth. 2007 wurr Al Gore för sien Bemöhen um en Bewusstmaaken vun de Klimakrise un hör global Gefohren tosommen mit den Weltklimarat IPCC (vertreden dör Rajendra Pachauri) de Freedensnobelpries tospraken.

Gore stammt ut en finanziell goot dorstahn politisch aktiven Familie. He is ünner annern Grünner un Vörstand vun de Alliance for Climate Protection, vun Generation Investment Management, Current TV, Liddmaat in den Upsichtsraat vun Apple un hochrangig Berader vun Google as ok Deelhebber an de Investmentfirmen Kleiner Perkins Caufield & Byers un Generation Investment Management. Sien PR-Upwennen för en Energiewennen wurrn alleen för dat Johr 2009 up 300 Millionen Dollar geschätzt. He hett en Afsluss vun de Harvard University.

Böker[ännern | Bornkood ännern]

  • Earth in the Balance: Ecology and the Human Spirit. Houghton Mifflin, Boston (MA) 1992, ISBN 0-395-57821-3.
    • Wege zum Gleichgewicht: Ein Marshallplan für die Erde. S. Fischer Verlag, Frankfurt am Main 1992, ISBN 3-10-027200-5.
  • An Inconvenient Truth: The Planetary Emergency of Global Warming and What We Can Do About It. Rodale Books, Emmaus (PA) 2006, ISBN 1-59486-567-1.
    • Eine unbequeme Wahrheit: Die drohende Klimakatastrophe und was wir dagegen tun können. Riemann Verlag, München 2006, ISBN 3-570-50078-0.
  • The Assault on Reason: How the Politics of Blind Faith Subvert Wise Decision-making. The Penguin Press, New York (NY) 2007, ISBN 978-1-59420-122-6.
  • Our Choice: A Plan to Solve the Climate Crisis. Rodale Books, Emmaus (PA) 2009, ISBN 978-1-59486-734-7.
    • Wir haben die Wahl. Ein Plan zur Lösung der Klimakrise. Riemann Verlag, München 2009, ISBN 978-3-570-50115-3.
  • The Future: Six Drivers of Global Change. Random House, New York (NY) 2013, ISBN 978-0-8129-9294-6.
    • deutsch: Die Zukunft. Sechs Kräfte, die unsere Welt verändern. Siedler Verlag, München 2014, ISBN 978-3-8275-0042-7.

Weblenken[ännern | Bornkood ännern]

Albert Arnold Gore. Mehr Biller, Videos oder Audiodateien to’t Thema gifft dat bi Wikimedia Commons.