Hot Five

Vun Wikipedia
Zur Navigation springen Zur Suche springen

„Louis Armstrong and his Hot Five“ weer en Studio-Band in Chicago in de Johren 1925 bis 1927.

Disse Band hett to’n eersten Mal Jazzupnahmen makt, in de den Solisten mehr Ruum to Improvisatschoon geven wurr, un hett somit eerstmals den Padd för den Jazz maakt, as man hüm hüüd kennt. Liddmaaten vun de Band weern Louis Armstrong as Singer un tonächst an’t Kornett, af 1927 an de Jazztrompeet, mit sien tweet Fru Lil Hardin Armstrong an’t Klaveer, Johnny Dodds an Klarinett un Altsaxophon, Kid Ory an de Basuun un Johnny St. Cyr an’t Banjo, 1926 af un an ergänzt dör de Singerin May Alix, un 1927 deelwies dör den legendären Jazz- un Blues-Gitarristen Lonnie Johnson.

1927 wurr disse Besetten vun de „Hot Five“, ergänzt dör Pete Briggs an de Tuba un Baby Dodds an dat Slagtüüch, as „Louis Armstrong and his Hot Seven“ upnommen..

1928 keem dat to en Umbesetten. De Hot Five weeer nu en Sextett mit Louis Armstrong as Singer un an de Jazztrompeet, Jimmy Strong an Klarinett un Tenorsaxophon, Fred Robinson an de Bassun, Mancy Carr an’t Banjo, Zutty Singleton speel Slagtüüch un Earl Hines weer an’t Klaveer un sung ok. Dornah hebbt se de Band to en Septett makt, as Don Redman (Klarinett un Altsaxophon) dorto kommen dee.

Later hett sück de Grupp „Louis Armstrong and his Savoy Ballroom Five“ nömmt.