Horst (Gemeen Dörbern)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27313 | |
| Vörwahl: | 05165 | |
| Geograafsche Laag: | Koordinaten:52° 47′ N, 9° 20′ O52° 47′ N, 9° 20′ O | |
|
| ||
De Horst (hoochdüütsch Horst) is en lütten Oort in de Gemeen Dörbern in’n Landkreis Veern, Neddersassen.
Geografie
[ännern | Bornkood ännern]Dat Water ut’n Oort flütt af över de Schipse, den Donnerhorster Graven un den Hämelseegraven na de Aller.
De Naveröörd sünd Hülsen in’n Noorden, Donnerhorst, Wohlendörp un Olendiek in’n Noordoosten, Risch un Rethen in’n Oosten, Olenborg, Wöhlkenhütt un Stöcken in’n Süüdoosten, Hämelsee un Anderten in’n Süden un Hämelhusen in’n Westen.
Historie
[ännern | Bornkood ännern]De Oort kummt 1258 toeerst in de Oorkunnen vör, as de Bischop von Minnen, Wedekind, dat Klooster Wasra mit twee Hööv in de Horst belehnt.[1] In öllere Tieden hett de Oort Güntershorst heten.
De hüdige Landsstraat 200 von Rethen na Eestrup is eerst 1860 boot worrn.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Rethen in’n Kanton Rethen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
In de Midd von dat 19. Johrhunnert is de Oort Deel von de Gemeen Hülsen worrn.
De Oort hett vör 1859 to de Huusvaagdie in dat Amt Rethen tohöört un denn von 1859 bet 1885 to dat Amt Ahlden. Na 1885 weer dat in’n Kreis Fambossel.
De Oort is an’n 1. Juli 1972 as Deel von de Gemeen Hülsen mit de Gemeenreform in Neddersassen an de Gemeen Dörbern kamen un dorbi in’n Landkreis Veern wesselt.
Inwahnertall
[ännern | Bornkood ännern]| Johr | Inwahners |
|---|---|
| 1793[2] | 2 Füürsteden |
| 1812[3] | 25 |
| 1824[4] | 2 Füürsteden |
| 1848[5] | 23 Lüüd, 4 Hüüs |
| 1. Dezember 1871[6] | 30 Lüüd, 5 Hüüs |
Religion
[ännern | Bornkood ännern]De Horst is evangeelsch-luthersch präägt un höört to dat Kaspel von de Marienkark in Rethen. In de öllsten Tieden hett de Oort to dat Kaspel Kerkwahlje höört. Nadem Rethen aver in dat 15. Johrhunnert en egen Kapell un in dat 16. Johrhunnert en Kark kregen hett, hett de Oort dor to höört.
För de Kathoolschen is de St.-Josef-Kark in Veern tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör de Horst löppt de Landsstraat 200, de in’n Westen äver Hämelhusen na Eestrup an de Bundsstraat 215 geiht un in’n Oosten na Rethen an de Bundsstraat 209. In’n Süden geiht en lüttjere Straat na de de Kreisstraat 147/56, de na de B 209 un na Anderten geiht.
De nächste Autobahn is de Autobahn 27 (Afsnidd Bremen–Dreeeck Wasra). De Opfohrt 27 Wasra-West liggt so 18 Kilometer in’n Noordoosten von’n Oort an de B 209.
De nächste Bahnhoff is so bi söven Kilometer wied weg in’n Westen de Bahnhoff Eestrup an de Bahnlien Wunsdörp–Bremen, de op dissen Afsnidd ok Deel von de Werser-Aller-Bahn is.
Footnoten
[ännern | Bornkood ännern]- ↑ http://www.landfrauen-rethem.de/?menu=400
- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 116: https://books.google.de/books?id=jN5QAAAAcAAJ&pg=RA1-PA116
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 112: http://books.google.de/books?id=Q 5OAAAAcAAJ&pg=PA112
- ↑ C. H. Jansen: Statistisches Handbuch des Königreichs Hannover. 1824, Sied 300: http://books.google.de/books?id=tG0AAAAAcAAJ&pg=PA300
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 101: http://books.google.de/books?id=eOI-AAAAcAAJ&pg=PA101
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 95: https://books.google.de/books?id=qTZDAQAAMAAJ&pg=RA2-PA95
