Homologe Reeg

Vun Wikipedia

En Homologe Reeg (gr.: homo ‚gliek‘, logos ‚Sinn‘) is en Reeg vun cheemsche Stoffen, de sik dör en allgemene Summenformel beschrieven laat. Dorbi lett sik en Stoff ut de Reeg dör en sieteren Stoff dör’t Tofögen vun en tyypsch Lidd vun en Molekül-Keed billn.[1]

De Begreep vun de homologen Reeg is 1843 vun Charles Frédéric Gerhardt inföhrt worrn. För orgaansche Carbonsüren un Alkoholen weer de homologe Reeg dör Jean Baptiste Dumas dör’t Meten vun physikaalsche Egenschoppen nawiest. De cheemschen Egenschoppen vun de Verbinnen in en homologe Reeg sünd vergliekbor. De cheemschen und de physikaalschen Egsnchoppen ännert sik systemaatsch mit de Läng vun de Keed. To’n Bispeel ännert sik mit tonehmen Läng vun de Keed de Smölt- un Kaakpunkten as ok de Viskosität, de dorbi tomeist parallel to’nanner anwasst. Ok de Lööslichkeit in annere Stoffen künnt sik dorbi ännern. De bekanntste un eenfachste vun de homologen Regen is de vun de Alkanen. Man dat gifft noch vele annere.

Homologie as glieke Struktur[ännern | Bornkood ännern]

De Utdruck Homolog warrt mitünner ok blangen de Bedüden vun de Homologen Reeg bruukt und betekent denn Stoffen, de en glieke cheemsche Struktur hebbt un dorna denn ok vun de Egenschoppen her vergliekbor sünd. Faken warrt dat ok för de Elementen bruukt, de in de glieken Grupp vun’t Periodensystem staht. De Elementen, de ünner dat sünnere Element staht warrt denn as de högeren Homologen betekent, de doröver as de lichteren Homologen.

Bispelen för homologe Regen[ännern | Bornkood ännern]

Borns[ännern | Bornkood ännern]

  1. Brockhaus ABC Chemie, VEB F. A. Brockhaus Verlag Leipzig 1965, S. 551.

Weblenken[ännern | Bornkood ännern]

Homologe Reeg. Mehr Biller, Videos oder Audiodateien to’t Thema gifft dat bi Wikimedia Commons.