Henner Henkel

Vun Wikipedia

Heinrich Ernst Otto „Henner“ Henkel (* 9. Oktober 1915 in Posen, Düütsch Riek; † 13. Januar 1943 bi Woronesch, Sowjetunion) weer en düütsch Tennisspeler. Sien gröttste Erfolg weer de Sieg bi de Franzöösch Tennismeesterschapen (hüüd French Open) in dat Johr 1937. Neben Gottfried von Cramm weer he de spoodriekste düütsch Tennisspieler vun de 1930er Johren.

Henner Henkel (1937)

Leven[ännern | Bornkood ännern]

Heinrich Henkel keem 1915 as Söhn vun Ferdinand Henkel un sien Fru Margarete in Posen to Welt. Nah den Eersten Weltkrieg truck sien Familie 1919 nah Erfurt, wo he gemeensam mit sien fiev Johr ölleren Bröer Ferdinand in' Sportclub Erfurt up de Cyriaksburg, den Vörlöper vun den hüdigen TC Erfurt 93, mit dat Tennisspelen in Berühren keem. 1927 is de Familie den Vader nahfolgt, de ut beroplich Grünnen nah Berlin ümtrecken muss.

1929 kunn he mit den Sieg bi de Clubmeesterschapen vun den THC 99 Berlin eerstmals en Turnier winnen. 1930 belegg he den darten Platz bi de düütsch Jöögdmeesterschapen, in dat Johr dorup keem he up Platz 2. 1932 un 1933 wunn he de Jöögdmeesterschapen un keem ok eerstmals in't Utland to'n Insatz.

Af 1934 nehm Henkel regelmaatig an internatschonalen Turnieren deel un wurr ok in dat sülvig Johr eerstmals för de düütsch Davis Cup-Mannschap upstellt. Bit 1939 hett he 66 Davis Cup-Spelen maakt, vun de he 49 winnen kunn. 1937 harr he sien gröttsten Spood, as he as tweet düütsch Tennisspeler nah Gottfried von Cramm (1936) de French Open in't Eenzel winnen kunn. Henkel is dormit bit hüüd de letzt düütsch Sieger in't Herreneenzel vun Roland Garros. Tosommen mit von Cramm weer he in dat sülvig Johr bi de US Open in't Düppel spoodriek. 1938 reck he in Wimbledon an de Siet vun Georg von Metaxa dat Düppelfinale, dat aber gegen den beid US-Amerikaner Don Budge un Gene Mako verloren gung.

1942 wurr Henkel nah sien letzten Turnier in Bad Pyrmont an de Ostfront inberopen. Blots wenig Maand later is he dicht bi Woronesch fallen, nahdem he all an' 3. Dezember 1942 wiels de Slacht vun Stalingrad swoor verwundt wurrn weer.

To sien Andenken wurrn de Mannschapsmeesterschapen vun de Junioren vun den Düütschen Tennisbund Henner-Henkel-Spiele nömmt. Ebenso wurrd dat Henner-Henkel-Gedächtnisturnier siet 1963 in Erfurt afhollen.

Titel[ännern | Bornkood ännern]

Eenzel[ännern | Bornkood ännern]

Nr. Johr Turnier Finalgegner Ergevnis
1. 1934 Villa d'Este Cam Malfroy 4:6, 6:1, 6:1, 5:7, 6:3
2. 1937 Franzöösch Meesterschapen Henry Austin 6:1, 6:4, 6:3
3. 1937 Beaulieu-sur-Mer Gottfried von Cramm 5:7, 6:2, 6:3
4. 1937 Kairo Gottfried von Cramm 6:1, 6:2, 6:4
5. 1937 Düütsch Meesterschapen Vivian McGrath 1:6, 6:3, 8:6, 3:6, 6:1

Düppel[ännern | Bornkood ännern]

Nr. Johr Turnier Partner Finalgegner Endergevnis
1. 1937 US-Meesterschapen Gottfried von Cramm Don Budge
Gene Mako
6:4, 7:5, 6:4

Weblenken un Born[ännern | Bornkood ännern]