Hannah Dreissigacker

Vun Wikipedia
Zur Navigation springen Zur Suche springen

Hannah Dreissigacker (* 2. Dezember 1986 in Morrisville, Vermont) is en US-amerikaansch Biathletin un Skilanglöperin.

Werdegang[ännern | Bornkood ännern]

Hannah Dreissigacker hett siet 2002 an internatschonalen FIS-Rennen in' Skilangloop deelnommen, later ok an Rennen vun den Nor-Am Cup un de US Super Tour. In meest 20 Rennen reck se Top-Ten-Ergevnisse. Hör eerst internatschonale Biathlon-Rennen hett se bi de Biathlon-Europameesterschapen 2010 in Otepää bestreeden, wo se 52. in' Eenzel, 38. in' Sprint, 41. in de Verfolgung un mit Annelies Cook, Laura Spector un Susan Dunklee Platz negen in dat Staffelrennen belegg. Tovör harr se all in de Saison in' Rahmen vun den Biathlon-NorAm-Cups in Jericho in en Sprint un in en Verfolgungsrennen tweete Plätze in de hööchste kontinentale Rennserie reckt. In de Gesamtwertung keem se up Platz 9.

An' 17. Januar 2013 geev se in' Sprint in Antholz hör Debüt in' Biathlon-Weltcup. Hör eerst Weltcup-Punkte sammel se in de Saison 2013/14 bi den Sprint vun Kontiolahti. An' Enn' vun de Saison belegg se Rang 88 vun de Gesamtwertung. Bi de Olympisch Winterspelen 2014 in Sotschi keem se in' Sprint blots up en swaak 75. Platz. In de Mixed-Staffel belegg Dreissigacker mit hör Mannschaftskollegen den sössten Platz. Nah Rang 23 in' Eenzel keem se mit de Staffel up Platz 7.

In de Saison 2014/15 keem se up den 43. Platz in' Gesamtweltcup. Hör best Ergevnis weer dorbi Platz 14 in' Massenstart vun Kontiolahti. Den sülvigen Platz in den Gesamtweltcup belegg se ok in de Folgesaison, wo Platz 18 in' Sprint vun Oslo hör beest Eenzelergevnis weer.

Bi de Biathlon-Weltmeesterschapen 2015 keem se in' Sprint up Platz 61, in' Eenzel up Platz 67, mit de Staffel up Rang 12 un mit de Mixed-Staffel gemeensam mit Susan Dunklee, Lowell Bailey un Leif Nordgren up Platz 8. Bi de Biathlon-Weltmeesterschapen 2016 reck dat för dat amerikaansch Mixed-Team (nu mit Sean Doherty statt Leif Nordgren) to Platz 10.

Dreissigacker studeert an dat Dartmouth College, för de sien Skiteam se ok antreeden deiht.

Weblenken[ännern | Bornkood ännern]