Grundschool Heckthusen

De Grundschool Heckthusen is en Grundschool in dat Dörp Heckthusen in’n Landkreis Cuxhoben. Dreger is de Samtgemeen Hemmoor. De School liggt in de Waldstraat, dicht bi de Bundsstraat 73. Dor gaht de Schölers ut de ganze Gemeen Heckthusen hen (ut de Dörper Bornbarg, Heckthusen, Lüttwöörn, Klint, Lohmöhlen un Wisch). De School harr in dat Schooljohr 2013/2014 141 Schölers in acht Klassen.^[1]

Dat hüdige Schoolhuus is 1962 boot worrn. Dat schull en Middelpunktschool för de Gemeen Heckthusen wesen un dor weer to de Tied ok noch en Hauptschool mit bi. De School harr do so üm un bi 250 Schölers. Mit dat Schooljohr 1977/1978 is de Orientierungsstufe nee kamen. De Hauptschool is denn na dat Schoolzentrum Loomst utlagert worrn un de School weer en reine Grundschool. 2001 is dat en Verlässliche School worrn.