Grundschool an’t Fleet
De Grundschool an’t Fleet is en Grundschool in Bützfleet in de Gemeen Stood, de ok de Dreger is. Se liggt dicht bi dat Zentrum von Bützfleet (Aavtmaschenweg 353), nich wied af von ee Landsstraat 111.
De School hett ölven Schoolmeesters un dree pädagoogsche Mitarbeiders, de för 161 Schölers tostännig sünd (Stand Schooljohr 2014/2015).
Op de School gaht de Kinner ut de Öörd Bützfleet, Bützfletermoor, Abbenfleet, Depenbeek, Götzdörp un Snee.
Nadem se mit e Grundschool trech sünd, wesselt de Schölers över op de Realschool Camper Höh in Stood, dat Vincent-Lübeck-Gymnasium in Stood oder ok de Kooperative Gesamtschool in Drochters.
Historie[ännern | Bornkood ännern]
Dat ole Schoolgebüüd is 1953 boot worrn. 2010 is dat afreten worrn. 1962 sünd an dat ole Gebüüd tosätzliche Klassenrüüm, en Schoolköök un en Warkruum anboot worrn. Von 2001 bet 2005 hett dat in Bützfleet en Orientierungsstufe (OS) geven, an de blots de Schölers von de Grundschool Bützfleet övergahn sünd. För disse OS sünd ok wedder ne’e Rüüm anboot worrn, de 2002 inwieht worrn sünd. En Cafeteria hett de School in’n Januar 2007 kregen.
To de School höört en egene Turnhall.
De Fördervereen von de School is 1996 grünnt worrn.
2012 is de School apene Ganzdagsschool worrn.
Schoolbaas[ännern | Bornkood ännern]
- opstunns: Kurt von Schassen
Weblenken[ännern | Bornkood ännern]
- Websteed von de School (hoochdüütsch)
Koordinaten:53° 39′ N, 9° 29′ O