Gregorio Garcia (Politiker)
Gregorio Pablo „Greg“ Garcia (* 2. Februar 1954 in Corozal) is en Politiker ut Belize (PUP).
Garcia is 1954 in Corozal boren.[1] He hett in Guatemala Medizin studeert[1] un arbeidt as Dokter in Corozal. He is verheiraadt mit siene Fro Narda Elizabeth, borene Torres.[1]
Bi de Parlamentswahl in Belize 1993 weer he Kannedaat för de PUP in’n Wahlkreis Corozal Süüdwest un hett de Wahl mit 50,1 % von de Stimmen knapp gegen Asterio Ortega von de UDP wunnen. Bi de Wahl 1998 is he in’n sülven Wahlkreis wedder gegen Ortega antreden un hett dütmaal mit 53,13 % von de Stimmen wunnen. Ok bi de Wahlen 2003 (45,87 % gegen Gabriel Martinez, UDP) un 2008 (41,41 % gegen Martinez) weer he Kannedaat, kunn sik aver beide Maal nich dörsetten.
Dormit weer Garcia von 1993 bet 2003 Afornten von dat Repräsentantenhuus von Belize.
Sien Söhn Gregorio Enrique „Papas“ Garcia (* 27. März 1978[1]) weer bi de Wahlen 2012 un 2015 PUP-Kannedaat in’n Wahlkreis Corozal Bay, is aver nich wählt worrn.