Gra-Gra-Lagoon-Natschonaalpark
| Gra-Gra-Lagoon-Natschonaalpark | |
|---|---|
| Staat | Belize |
| Laag | Koordinaten:16° 56′ N, 88° 15′ W16° 56′ N, 88° 15′ W |
| |
| |
| Grött | 5,34 km² |
| Levensruum | Mangrovenholt |
| Inricht | 2002 |
| Opsicht | Friends of Gra Gra |
| IUCN-Kategorie | II – National Park |
De Gra-Gra-Lagoon-Natschonaalpark is en 5,34 km² groten Natschonaalpark en poor Kilometer in’n Süüdwesten von de Stadt Dangriga in’n Distrikt Stann Creek von Belize. He ümfaat de 1,25 km² grote Gra Gra Lagoon an de Küst von de Commerce Bight (Karibische See) un Rebeden ümto. De twölv Kilometer lange Yemeri Creek flütt von Noordwesten in de Laguun un denn över en Utlaat in’n Küstenwall in de See. An de siede Küstenlaguun wasst Mangrovenholt (vör allen Rode, Swarte, un Witte Mangroven).
Von 1908 bet 2013 leeg an de Münn von’n Yemeri Creek in de See ok de Commerce Bight Port, wat en wichtigen Haven för’n Butenhannel von Belize weer.
De Westgrenz von’n Natschonaalpark reckt bet an’n Bocatora Creek.
De Park is 2002 inricht worrn un höört in de IUCN-Kategorie II. De Park geiht op de lokale Grupp von de Friends of Gra Gra trügg, de sik in de Johren 1990 billt und dorför insett hett, de Natur an de Laguun to schulen. De Friends of Gra Gra sünd nu ok de Organisatschoon, de dat Management von’n Park övernimmt (ünner Opsicht von dat Forest Department in dat Ministerium för Bueree).
