George Mulock

Vun Wikipedia

Captain George Francis Arthur Mulock (* 7. Februar 1882 in Fleetwood, Lancashire; † 26. Dezember 1963 in Gibraltar) weer en britisch Seeoffizier un Polarforscher.[1]

Leven[ännern | Bornkood ännern]

Mulock wurr 1882 in Fleetwood as Söhn vun George un Jane Mulock geboren. Sien Vader weer Ingenieur. He hett later en School in Stanmore Park un da Britannia Royal Naval College in Dartmouth besöcht.[1] An Bord vun de HMS Triton kreeg he denn en Utbillen to’n Schipps-Inspekteur.[1]

Antarktische Forschungen[ännern | Bornkood ännern]

1902 wurr he Besattensliddmaat up de SY Morning, en Versörgensschipp för de Discovery-Expeditschoon vun Robert Falcon Scott to’n Süüdpool. He wurr denn aber vun Scott direkt as Ersatz för Ernest Shackleton anhüert un is as 3. Offizier up de Discovery mitfohren. För de Deelnahm an de Expeditschoon, de van 1901 bit 1904 düer, kreeg he later de Polarmedaille. Up en Deelnahm an de Nimrod-Expeditschoon vun Ernest Shackleton 1907 hett he dann aber vun afsehn.

För sien Leistungen in’ Eersten Weltkrieg kreeg he later den Distinguished Service Order. 1920 hett he de Royal Navy verlaaten un fung as Marine Superintendent bi de Asiatic Petroleum Company in Schanghai an.

In’ Tweeten wurr he weer to’n Kriegsdeenst intrucken un keem in’ Februar 1942 in Singapur in japaansch Kriegsgefangenschap, ut de 1945 entlaaten wurr.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. a b c The Times: Capt. G. F. A. Mulock - Surveying In The Antarctic, Obituaries, van’ 3. Januar 1964