Georg Michael Telemann

Vun Wikipedia
Wesseln na: Navigatschoon, Söök

Georg Michael Telemann (* 20. April 1748 in Plöön; † 4. März 1831 in Riga) weer en düütsch Karkenmusiker un Komponist. He weer Enkel vun Georg Philipp Telemann.

Leven un Wark[ännern | Bornkood ännern]

Georg Michael Telemann, Söhn vun den Plöner Pastor Andreas Telemann (1715–1755) un de Augusta Clara Catharina Capsius, keem nah de Dood vun sien Vader 1755 in't Huus vun sien dormals 74-johrigen Grootvader Georg Philipp Telemann in Hamborg. In de Hansestadt hett he de Gelehrtenschool vun dat Johanneum besöcht un ansluutend bit 1770 dat Akademische Gymnasium. As 19-Johriger hett he 1767 de Trauer-Ode auf das betrübte Absterben meines Großvaters Herrn Georg Philipp Telemann, des Hamburgischen Musik-Chor-Direktors komponeert. Georg Michael Telemann övernehm ok bit to dat Wedderbesetten vun de Stäe vun den Grootvader Georg Philipp Telemann mit Carl Philipp Emanuel Bach in' März 1768 de Vertreden vun dat vakant Amt vun den Cantor Johannei un Director Musices vun de Stadt Hamborg. Tüschen 1770 un 1772 studeer he an de Christian-Albrechts-Universität zu Kiel Theologie.

1773 wurr Telemann Musikdirekter vun de Stadtkarken un Kantor an' Dom to Riga. Togliek geev he Ünnerricht an de Domschool. In Riga führ he mindst 21 Passionen vun sie beropen Grootvader up. 1812 hett Telemann en Choralbook mit eegen Örgelbearbeitungen editeert. In dat folgen Johr kreeg he ünner Bibehollen vun dat Kantorat tosätzlich dat Amt vun den Organisten an de Domkark överdragen. Georg Michael Telemann wurr 1828 up sien Andrag hen wegen en Oogenlieiden in den Ruhestand versett.

Georg Michael Telemann gellt as Saakwalter vun dat Wark vun sien Grootvader Georg Philipp Telemann.

Literatur[ännern | Bornkood ännern]

  • Wolf Hobohm: Georg Michael Telemann als „Sachwalter“ des großväterlichen Erbes. In: Kathrin Eberl u. a. (Hrsg.): Musikkonzepte – Konzepte der Musikwissenschaft. Bericht über den Internationalen Kongreß der Gesellschaft für Musikforschung Halle (Saale) 1998. Band 2: Freie Referate. Kassel: Bärenreiter, 2000, S. 346–354. – ISBN 3-7618-1536-0
  • Joachim Kremer: Georg Michael Telemanns Weg von Hamburg nach Riga. Mobilität als Problem einer Regionalgeschichtsforschung. In: Matthias Schneider u. a. (Hrsg.): Orgelbau, Orgelmusik und Organisten des Ostseeraums im 17. und 19. Jahrhundert. Frankfurt an'n Main: Lang, 2006, S. 159–168. – ISBN 3-631-51228-7

Weblenken[ännern | Bornkood ännern]