Georg Philipp Telemann

Vun Wikipedia
Georg Philipp Telemann, Porträt vun 1750

Georg Philipp Telemann (* 14. März 1681 in Meideborg; † 15. Juni 1767 in Hamborg) weer en düütschen Komponist.

As he eerst 12 Johr old weer, hett he all sien eerste Oper schreben, hett aber denn doch Juristeree in Leipzig studeert. Nebenbi hett he aber ok noch den Orgenistendeenst an de Thomaskark versehn. 1701 hett he Georg Friedrich Händel drapen un hett sück af de Tiet blots noch mit de Musik beschäftigt.

1704 weer he all Kapellmeester in Sorau, 1706 in Iesenack un 1712 in Frankfort an'n Main. 1721 wurr he Musikdirekter vun all 5 Hööftkarken in Hamborg. Neben disse Plichten fung he an, apenlich Konzerte to geeven, wat domols noch ungewöhnlich weer.

He hett bannig völ Kompositschonen schreben, 12 Kantatenjohrgänge, 44 Passionen, 15 Messen, 35 Oratorien, 40 Opern, 100 Orchesterstücke un över 100 Solokonzerte, Leeder, Märsche, Kammermusik usw.

He weer dormit eegentlich en grötter Beröhmtheit as Johann Sebastian Bach, vor allem, wiels he so völ verscheeden Saken schreben hett.

Sien Enkel Georg Michael Telemann weer ok Komponist

Born[ännern | Bornkood ännern]

Weblenken[ännern | Bornkood ännern]

Georg Philipp Telemann. Mehr Biller, Videos oder Audiodateien to’t Thema gifft dat bi Wikimedia Commons.