Georg Alexander Ruperti
Georg Alexander Ruperti (* 19. Dezember 1758 in Bremervöör; † 14. März 1839 in Stood) weer en düütschen lutherschen Theoloog.
Ruperti is 1758 as Söhn von Justina Sophia, borene Niemann (6. Oktober 1731-20. Mai 1790), un den Amtsassesser Johann Hermann Ruperti (3. Februar 1722–12. Februar 1791) in Bremervöör boren. Het hett Theologie studeert un keem na dat Studium an dat Athenaeum in Stood. Dor is he von 1784/1785 bet 1809 Rekter ween. 1809 is he Garnisonpreddiger un Kunsistorialraad von dat Kunsistorjen in Stood worrn. As disse Steed wegfullen is, nadem dat Hartogdom Bremen 1810 an dat Königriek Westfalen fullen is, keem he 1811 as eersten Pastoor na Dorum an de Urbanus-Kark.[1] Dor is he bet 1814 bleven, as de Generalsupperndent von de Generaldiözees Bremen-Veern in Stood, Johann Caspar Velthusen, doodbleven is.[1] Ruperti hett denn dit Amt övernahmen.[1] Verbunnen dormit weer he ok Kunsistorialraad.
In siene Tied as Rekter in Stood hett Ruperti 1807/1808 ünner annern en mehrbännigen Liviuskommentar rutgeven.[1]
Ruperti hett an’n 25. April 1783 in Hamelwöörden Elisabeth Maria Louise Wickhardt (23. März 1764–11. März 1836) freet.[2] De beiden harrn de Söhns Georg Ernst (26. Juni 1800–1. Oktober 1880) un Justus (29. Oktober 1791–3. November 1861). Sien Enkel Justus Ruperti weer Generalsupperndent för Holsteen.
Warken
[ännern | Bornkood ännern]- Tabulae Genealogicae. Göttingen 1794
- Grundriß der Geschichte der Erd- und Alterthumskunde. 1794
- Des heiligen Abendmahls ursprüngliche, bedeutsame und würdige Feier. Hannover 1821
Literatur
[ännern | Bornkood ännern]- Philipp Meyer: Die Pastoren der Landeskirchen Hannovers und Schaumburg-Lippes seit der Reformation. Göttingen 1942/1943