Georg Albrecht (1815–1890)

Vun Wikipedia
Zur Navigation springen Zur Suche springen
Porträt von Georg Albrecht

Georg Friedrich Albrecht (* 12. August 1815 in Deefholt; † 10. April 1890 in Frankfort an’n Main) weer en düütschen Jurist.

Albrecht is 1815 in Deefholt boren.[1] Von’n 16. Oktober 1830 bet to’n 28. Februar 1833 weer he op de Kloosterschool Ilfeld un hett denn an de Universität Göttingen Juristeree studeert.[1] Na dat Studium is he in’n hannöverschen Staatsdeenst gahn, weer Amtsauditer bi de Ämter Syke un Celle un is 1842 Gerichtsassesser worrn.[1][2] 1851 is he Justizraad bi de Justizkanzlie Celle worrn un 1852 as Obergerichtsraad Staatsanwalt bi dat Obergericht Celle.[1] 1858 is he dor Kroonanwalt worrn.[1]

He weer von 1867 bet 1869 Viezpräsident von dat Obergericht Stood un denn bet 1871 Präsident von dat Obergericht Veern.[2]

1871 is he Präsident von dat Oberappellationsgericht Griepswoold worrn un 1875 von dat Oberappellationsgericht Wiesbaden.[1][2] Von 1879 bet 1890 weer he Präsident von dat Oberlandsgericht Frankfort an’n Main.[1]

1889 hett he den Charakter von en Würklichen Gehemen Raad kregen un de Universität Griepswoold hett em en Ehrendokter geven.[1]

Footnoten[ännern | Bornkood ännern]

  1. 1,0 1,1 1,2 1,3 1,4 1,5 1,6 1,7 Jahresbericht über die Königliche Klosterschule zu Ilfeld. 1873, Sied 47
  2. 2,0 2,1 2,2 Acta Borussica, Band 7