François Englert

Vun Wikipedia
François Englert
Kibble, Guralnik, Hagen, Englert un Brout bi de Verleehn vun den Sakurai-Pries 2010

Baron François Englert[1] (* 6. November 1932 in Etterbeek, Belgien) is en belgisch Theoretischer Physiker un Hoochschoollehrer. An' 8. Oktober 2013 wurr hüm gemeensam mit Peter Higgs de Nobelpries för Physik tospraken.[2]

Jöögd[ännern | Bornkood ännern]

François Englert stammt ut en jöödsch Familie un is Överlevender vun den Holocaust; he weer wiels den Tweeten Weltkrieg en so nömmt „verstaken Kind”.[3][4]

Beropsleven[ännern | Bornkood ännern]

Englert hett 1955 sien Diplom as Ingenieur för Maschinenbau un Elektrotechnik an de Université Libre de Bruxelles (ULB) maakt un kreeg dor 1959 sien Doktertitel in Physik. Dornah weer he bit 1961 an de Cornell University bi Robert Brout, toletzt as Assistenzperfesser. He gung nah Brüssel torüch, wo he Perfesser wurr. Ok Robert Brout is dor as Perfesser to hüm stött. Gemeensam hebbt se af 1980 de Afdeelen Theoretische Physik leit. 1998 wurr he emeriteert.

Unafhängig vun Peter Higgs (un Carl Richard Hagen, Gerald Stanford Guralnik un Tom Kibble) hett he mit Brout 1964 den nah dissen nömmt Higgs-Mechanismus opdeckt, en Massenertüügen för Eichfelder dör Symmetriebreeken in Analogie to de Fastkörperphysik (Englert un Brout: Broken Symmetry and the Mass of Gauge Vector Mesons. In: Physical Review Letters. Band 13, 1964, S. 321–323[5]) dör en skalares Feld (Higgs-Feld). Disse Mechanismus wurrd in' Standardmodell vun de Elementardeelchen hüüd för de Massen vun de fundamentalen Deelchen verantwoortlich maakt. Sie hebbt vermoot, dat de Eichtheorie mit Symmetriebreeken renormeerbar blieven dee.[6] Dit wurr Anfang vun de 1970er Johren dör Gerardus ’t Hooft un Martinus Veltman bewiest, de dorför 1999 den Nobelpries för Physik kreegen.

Englert hett ok över statistische Mechanik, Kosmologie, Stringtheorie un Gravitatschonstheorie arbeit. 1978 kreeg he mit Brout un Gunzig för The Causal Universe den 1. Pries iin den International Gravity Contest vun de Gravity Research Foundation.

Ehrungen[ännern | Bornkood ännern]

1997 kreeg he den Hoochenergie- un Deelchenphysikpries vun de European Physical Society mit Robert Brout un Peter Higgs un 2004 den Wolf-Pries ok mit Brout un Higgs. 1982 kreeg he den Francqui-Preis. 2010 wurr he mit de anner Opdeckers vun den Higgs-Mechanismus mit den Sakurai-Preis geehrt. 2013 wurrn Englert, Peter Higgs un dat CERN mit den Prinz-von-Asturien-Pries uttekent. Sluutend wurr Englert an' 8. Juli 2013 vun Albert II. mit den Titel vun en Baron in den belgischen Adelsstand erhaben.[7] Doröver herut tell Thomson Reuters Englert in dat Johr 2013 wegen de Antall vun sien Zitatschonen to de Favoriten[8] up en Nobelpries (Thomson Reuters Citation Laureates), den he tosommen mit Peter Higgs denn toletzt ok tospraken kreeg.[9]

Weblenken[ännern | Bornkood ännern]

François Englert. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. An' 8. Juli 2013 wurr Englert vun König Albert II. mit den Titel vun en Baron in den belgischen persönlichen Adelsstand erhaben: "Adellijke gunsten" bi: etaaamb.be (nedderlannsch)
  2. Nobelprize.org: The Nobel Prize in Physics 2013, afropen an' 21. Oktober 2013.
  3. Nahwies 1 (engelsch)
  4. Nahwies 2 (nedderlannsch)
  5. in den sülvigen Band vun Physical Review Letters keemen ok de Arbeiten vun Higgs un vun Guralnik, Hagen, Kibble herut. Englert un Brout hebbt hör Wark sogor eenig Weeken för Higgs rutbrocht.
  6. Fundamental Problems in Elementary Particle Physics. In: Proceedings of the 14th Solvay Conference, Brüssel, 2.–7. Oktober 1967. John Wiley, New York 1968, Seite 18.
  7. Belgisches Staatsblatt: Opzoeking van documenten bei: fgov.be. Veröffentlichung: 2013-07-17 "Adellijke gunsten" (Um dat Ankieken to können moot tonächst ünner "Datum van afkondiging:" dat Johr 2013 in dat eerste Fack indragen wurrn. Ansluutend ünner "Woord(en) van tekst:" de Begreep "Adellijke gunsten" ingeven wurrn. Denn moot tonächst "Opzoeking" un dornah "Lijst" anklickt wurrn.)
  8. 2013 Predictions bei Thomson Reuters (sciencewatch.com), afropen an' 25. September 2013.
  9. Nahricht vun dat Nobel-Pries-Kommitees, afropen an' 21. Oktober 2013.