Fähr Geversdörp
De Fähr Geversdörp weer en Prahmfähr (Seilfähr) över de ünnere Oost, de dat Dörp Geversdörp op dat linke Över mit Itzwöörden op dat rechte Över verbinnen dee. Dat Fährrecht leeg bi dat Land Neddersassen, dat dat an’n Pächter Ferdinand Lühmann vergeven harr.
Historie
[ännern | Bornkood ännern]
De Fähr twüschen Geversdörp un Itzwöörden keem 1423 toeerst in de Oorkunnen vör (nyge vere).
Geversdörp hett 1924 en ne’en Fährprahm kregen, de 1926 mit en Motoor utrüst worrn is. De Fähr, de von 1924 bet 1945 in Geversdörp över de Oost föhrt is, is 1945 na Sethlerhemm bi Basbeek gahn un dor bet 1951 von Lühmann bedreven worrn. Von 1956 bet 1961 is se noch wedder in Sethlerhemm lopen, nu bedreven von Friedrich Keller. Nadem de Fährverkehr in Sethlerhemm 1961 instellt worrn is, keem de Fähr von dor as Reserveprahm na Geversdörp trügg un hett dor bet 1973 legen. In’n Januar 1973 hett de Realverband Brobargen de Fähr köfft un ehr na Brobargen överföhrt. Dor löppt se vondaag noch as Fähr Brobargen. 1935 hett Geversdörp en Prahm ut Heckthusen tokregen. De Fähr in Heckthusen is nich mehr nödig ween, nadem dor de Oostbrügg Heckthusen trech worrn is. Düsse Fähr is in Geversdörp bet 1949 lopen is un hett dor denn bet 1973 noch as Reserveprahm legen.
As 1988 de Oostbrügg Geversdörp trech worrn is, hett de Fähr ophöört to föhren.
De letzte Fähr in Geversdörp hett na 1988 noch en poor Johr an’t Över legen. Dat hett en Tied lang Plaans geven, de Fähr hertorichten un in dat Fährmuseum in Oosten uttostellen. De Fähr is denn aver 1995 dör Iesgang ünner Water drückt worrn. De Fähr is noch wedder ut dat Water haalt, aver 1998 verschrott worrn.
Koordinaten:53° 48′ N, 9° 5′ O