Emil Arguelles

Vun Wikipedia
Zur Navigation springen Zur Suche springen

Emil Mario Arguelles (* 4. Juli 1972) is en Avkaat ut Belize.

Leven[ännern | Bornkood ännern]

Arguelles is 1972 boren un weer toeerst op dat St. John’s College in Belize-Stadt. He hett bet 1993 an de Marquette University in Milwaukee Politikwetenschoppen studeert un düt Studium mit en Bachelor of Arts afslaten. Von dor güng he för en Studium von de Juristeree an de University of the West Indies in Cave Hill (Barbados) un hett dor 1996 sien Bachelor of Laws maakt. An de Norman Manley Law School in Mona (Jamaika) hett he denn sien Certificate of Legal Education maakt, dat he 1998 kregen hett.

He hett en egen Kanzlie in Belize (Arguelles & Company LLC) un weer ok Kroonavkaat. He is Maat von de Belize Bar Association (Avkatenvereen von Belize) un weer dor ok in’n Vörstand aktiv. He weer ünner annern von 2013 bet 2014 Viez-Präsident von de Bar Association.[1] Ok in de Industrie- un Hannelskamer von Belize hett he sik inbröcht un he weer Direkter von dat Belize Tourism Board.[1] För de Republik Polen is he von 2004 bet 2019 Honorarkunsel ween.[1]

Arguelles weer von’n 14. März 2008 bet 3. Februar 2012 ünner Premierminister Dean Barrow Spreker von dat Repräsentantenhuus von Belize.

He is verheiraadt mit Amanda Arguelles un hett een Kind.

Ehren[ännern | Bornkood ännern]

2009 hett he von’n Präsident von Guatemala, Álvaro Colom, den Orden Presidencial kregen.[2]

Footnoten[ännern | Bornkood ännern]

  1. a b c Founder, Arguelles & Company LLC
  2. Guatemala Medals House Speaker Emil Arguelles, 7 News Belize an’n 20. Januar 2009