Elmira Minita Gordon

Vun Wikipedia
Zur Navigation springen Zur Suche springen

Elmira Minita Gordon (* 30. Dezember 1930 in Belize-Stadt) is en Politikerin ut Belize. Se weer von 1981 bet 1993 Generaalguvernörin von Belize.

Gordon is 1930 in Belize-Stadt boren un opwussen. Se weer op de St. John’s Girls’ School un denn op de St. Mary’s Primary School. Se hett Schoolmeestersche an dat St. George’s Teacher’s College lehrt un ehr Studien wiederföhrt dör Kurse an dat College of Preceptors.

Von 1946 bet 1958 hett se as Schoolmeestersche arbeidt un weer denn von 1959 bet 1969 an dat Belize Teacher’s Training College. Von 1969 to 1981 weer se Government Education Officer.

Se hett an de Universitäten Nottingham, Birmingham un Calgary studeert un denn en Master un en Dokter in Psychologie an de University of Toronto maakt.

1980 is se von ehr Studium na Belize trügg.

Nadem de Kolonie Brietsch-Honduras as Belize en unafhängigen Staat worrn is, weer se von’n 21. September 1981 bet 17. November 1993 Generaalguvernörin von Belize. Se weer dormit de eerste Fro in’n Commonwealth, de in dat Amt von en Generaalguvernörin beropen worrn is. Övernahmen hett se dat Amt von James Hennessy, den letzten brietschen Generaalguvernör von Brietsch-Honduras.

Ehren[ännern | Bornkood ännern]

Gordon is 1974 Justice of the Peace worrn.

Se is 1984 Dame Grand Cross von’n Order of St Michael and St George worrn un 1985 Dame Grand Cross von’n Royal Victorian Order.