Ehrenborg

Wapen/Flagg

Koort

Basisdaten

Samtgemeende: Samtgemeende Swabern

Landkreis: Deefholt

Bundsland: Neddersassen

Flach:

48,96 km²

Inwahners:

1.652 (2006-12-3131. Dezember 2006)

Inwahnerdicht:

33,7 Inwahners pro km²

49 m över de See

27248

04275

Koordinaten:52° 45′ N, 8° 42′ O52° 45′ N, 8° 42′ O

Grenzen bi OSM:

1461198

Gemeenslötel:

03 2 51 015

Öörd in de Gemeen:

5

Börgermeester:

Hans-Jürgen Schumacher

Websteed:

www.schwafoerden.de

Ehrenborg is ene Gemeende in dat Bundsland Neddersassen in Düütschland. Se liggt in den Landkreis Deefholt un hett 1.652 Inwahners (Stand 31. Dezember 2006) op en Rebeet vun 48,96 km². Ehrenborg höört na de Samtgemeende Swabern to. De hett ehren Sitt in de Gemeende Swabern.

Gemeendedelen

To de Gemeende höört de Öörd Ehrenborg, Schmalwörn, Sweirnhusen, Stocksdörp un Wäsenstähr.

Laag

Ehrenborg liggt süüdlich vun de Wilshuser Geest so in de Midden twuschen Bremen un Ossenbrügge.

Klima

In Ehrenborg regeert en matig Seeklima mit allerhand dochtige Noordwestwinden vun de Noordsee her. In'n langjöhrigen Dörsnitt liggt de Temeratur in Ehrenborg bi 8,5° - 9,0°C. Dor fallt denn bi 700 mm Nedderslag. Twuschen Mai un Augustmaand kann mit bi 20 - 25 Summerdage rekent weern (dat sünd Dage, wo de hööchste Temperatur höger liggt, as 25°C).

Historie

De Ehrenborg

Dat Dörp hett sien Naam vun de Ehrenborg kregen, de hüdigendags verswunnen is. Se hett al in dat 14. Johrhunnert dorstahn un höör na de Graafschop Olenbrooksen to. Düsse Graafschop is al in dat 14. Johrhunnert an de Graafschop Hoya övergahn. Bi de Hilmesser Stiftsfehde is de Borg in Dutt gahn. 1546 hefft de Greven vun Hoya de Borg wedder upboot as en starke Festung. Dat döen se, weil de Ehrenborg de Grenzborg na dat Nedderstift Mönster hen weer. Mit düsse Borg harrn de Greven de Kuntrull över de Straat Nienborg- Vechte. In'n Dartigjöhrigen Krieg is de Borg tämlich in'e Merse gahn, man in dat Johr 1654 wiest en Steek vun Matthias Merian al en prächtig Amtshuus. In de latere Tiet is dat denn wedder in Dutt gahn, man 1740 is vun de ehre Resten een neet kurhannöbersch Amtshuus boot wurrn. Dat Hannöbersche Amt Ehrenborg hett bit 1852 bestahn. To düt tämlich grote Amt höör dormols as de gröttste Oort ok Sulingen to. 1828 is ok noch dat Amt Baarnborg na Ehrenborg anslaten wurrn. Later is dat Amtshuus denn verswunnen un hüdigendags kann een bloß noch den Hövel sehn, wo de Borg mol stahn hett.

Politik

Börgermeester

Bi de Kommunalwahl an'n 9. September 2001 is de ehrenamtliche Börgermeester Hans-Jürgen Schumacher wählt wurrn.

Weertschup un Verkehr

Verkehr

Bi 5 km in'n Oosten vun de Gemeende löppt de Bundstraat B 61, de vun Bassen na Minden lopen deit.

Kiek ok bi

Projekt to'n Sammeln vun plattdüütsche Oortsnaams in de Landkreise Deefholt, Nienborg/Werser un Veern

Literatur

Hans Gerke: Ehrenburg. Ein Heimatbuch für die Gemeinden Anstedt, Cantrup, Neuenkirchen, Rathlosen, Schmalförden, Scholen, Schweringhausen, Stocksdorf und Wesenstedt. Sulingen 1972, 159 S. m. Biller

Weblenken

Websteed vun de Gemeende (hoochdüütsch)

Städer un Gemenen in den Landkreis Deefholt