Edwin Ernest Salpeter

Vun Wikipedia
Zur Navigation springen Zur Suche springen

Edwin Ernest Salpeter (* 3. Dezember 1924 in Wien; † 25. November 2008 in Ithaca, New York) weer en öösterrieksch-austraalsch un US-amerikaansch Astrophysiker.

Leven[ännern | Bornkood ännern]

Salpeter is in sien Jöögd 1939 vun Öösterriek nah Australien utwannert, wo he an de University of Sydney Physik un Mathematik studeeren dee. Sien Doktertitel kreeg he 1948 an de University of Birmingham in England, wo he mit Rudolf Peierls arbeiten dee. Siet 1948 weer he an de Cornell University. Dor hett he ünner annern mit Hans Bethe över Probleme vun de Quantenelektrodynamik un Karnphysik un later in völ Berieken vun de theoretischen Astrophysik arbeit. Mit Bethe hett he de Bethe-Salpeter-Glieken för bunnen Tostände in de Quantenfeldtheorie entwickelt. He weer toletzt James Gilbert White Distinguished Professor of the Physical Sciences an de Cornell University.

Salpeter hett Karnreaktschonen in dat Binnere vun Steerns un de Entwicklung vun Steern ünnersöcht. 1955 hett he de anfänglich Massenfunktschoon (Initial Mass Function, IMF) vun Steerns afleit, de beseggt, in welker Tallenverhältnissen Steerns vun verscheeden Masse entstahn.

He weer 1964 mit Jakow Seldowitsch en vun de eersten, de Akkretschonsschieven um swaart Löcker as Modell för Quasare un aktive Galaxien vörslahn dee.[1] 1993 wurr he to’n utwärtig Liddmaat (“Foreign Member”) vun de Royal Society wählt.

Salpeter is kört vör sien 84. Gebortsdag an Leukämie storven.

Ehrungen un Liddmaatschapen[ännern | Bornkood ännern]

Weblinks[ännern | Bornkood ännern]

Enkeld Nahwiesen[ännern | Bornkood ännern]

  1. Suzy Collin: Quasars and active galactic nuclei – a half century of agitated story. 2006
  2. Member History: Edwin E. Salpeter. American Philosophical Society, afropen an’n 29. April 2020.