Edward George Gibson

Vun Wikipedia
Zur Navigation springen Zur Suche springen
Offiziell NASA-Foto

Edward George Gibson (* 8. November 1936 in Buffalo, New York) is en ehmalger US-amerikaansch Astronaut.

Gibson hett Ingenieurwesen studeert un kreeg in dit Fack 1959 en Bachelor vun de University of Rochester as ok 1960 en Master un 1964 sien Doktertitel, beid vun dat California Institute of Technology. Buterdem kreeg he 1974 de Ehrendokterwürde sowohl vun de University of Rochester as ok vun dat Wagner College in New York.

Astronautentätigkeit[ännern | Bornkood ännern]

In’n Juni 1965 wurr Gibson vun de NASA as Wetenschapsastronaut utwählt. Ansluutend hett he en 53 Week lang düern Floogtraining up de Williams Air Force Base in Arizona maakt

He weer Liddmaat vun de Ünnerstüttensmannschapen un Verbinnensspreker (CapCom) för de Apollo-12-Maanndmission. He weer ok an de Entwicklung vun de Skylab-Ruumstatschoon bedeeligt. As Deel vun sien Vörbereiten för dat Skylab-Programm hett Gibson Solarphysik studeert un schreev dorbi dat Book The Quiet Sun, dat noch hüüd en Referenz-Handbook för de Sonnenphysik is.

An‘n 16. November 1973 is Gibson as Wetenschapspilot vun de Skylab-4-Mission to’n darten un letzten bemannten Floog to de Skylab-Ruumstatschoon start. Bi dissen bit dorhen längsten Ruumfloog wurr he vun Kommandant Gerald Paul Carr un den Piloten William Reid Pogue begleit. Se hemm tallriek Experimente un umfangriek Eerd- un Sünnenbeobachtungen dörführt. Bi dree Butenbordinsatzen (EVA’s) hett Gibson insgesamt över 15 Stünn buterhalv vun de Ruumstatschoon verbrocht. Nah 84 Daag is Skylab 4 weer an' 8. Februar 1974 up de Eer land. De vun Gibson un sien Mannschapskameraden upstellt Rekord hull veer Johr.

In‘n Dezember 1974 is Gibson ut de NASA utscheeden, um de Forschung an den Skylab-Daten to de Sünnenbeobachtung bi de Aerospace Corporation in Los Angeles wiederhen to bedrieven. Af März 1976 weer he för een Johr Berader bi de ERNO Raumfahrttechnik GmbH in Düütschland. Dornah kehr he in dat Astronautenbüro vun de NASA torüch un hett dor in den Beriek vun de Utwahl un Utbillen vun de Astronautenbewarfer arbeit.

Nah de NASA[ännern | Bornkood ännern]

1982 is he endgültig bi de NASA utscheeden. In’n Oktober 1990 hett he sien Beraderfirma, Gibson International Corp., apen maakt, hett bi Booz Allen Hamilton un TRW as ok as Präsident vun dat Oregon Museum of Science and History arbeit. Nahderhen weer he Senior-Viezpräsident vun de Science Applications International Corporation un hett deren EROS Data Center leit.

Privates[ännern | Bornkood ännern]

Edward Gibson un sien Fru Julie Anne Volk hemm veer Kinner, twee Söhns un twee Deerns..

Weblinks[ännern | Bornkood ännern]

Commons-logo.svg Edward Gibson. Mehr Biller, Videos oder Audiodateien to’t Thema gifft dat bi Wikimedia Commons.