Echte Bandwörmer

Vun Wikipedia
Zur Navigation springen Zur Suche springen
Echte Bandwörm(er); Echte Lintwurms
Beesterbandworm (Taenia saginata)
Systematik
Domään: Eukaryota
Ünnerriek: Veelzellers (Metazoa)
Stamm: Plattwörmer (Plathelminthes)
Klass: Bandwörmer (Cestoda)
Ünnerklass: Echte Bandwörmer (Eucestoda)
Wetenschoplich Naam
(Eucestoda)

De Echten Bandwörm(er) oder Echten Lintwurms (Eucestoda) sünd Bandwörmer, de as Parasiten in'n Darm vun Warveldeerter leevt. De meisten Aarden gifft dat bi Fische. Se kaamt up de ganze Eer vor.

Ehren Naam kriegt de Bandwörmer vun ehren Endweert. Anners is dat bloß bi den Minschen siene Bandwörmer: Se dreegt den Naam vun den Twuschenweert. So leevt de Beesterbandworm Moniezia in Rinner, wenn se utwussen sünd, un hefft en Miete as Twuschenweert, man de Beesterbandworm Taenia leevt utwussen in den Minschen un hett en Rind as Twuschenweert.

Kennteken[ännern | Bornkood ännern]

Dat Lief bi de Echten Bandwörmer (Eucestoda) lett as en platt Band (vundeswegen de Naam) un besteiht ut allerhand Afsnitte, de Proglottiden nömmt weert. Elke Proglottis hett de Geslechtsorgane vun Heken un Seken. De Wörmer sünd also Halfsläge. Se paart sik unner'nanner un kriegt so unbannig veel Nakamen. Man unner de Eucestoda gifft dat ok faken Sülmsbefruchten.

An'n Kopp (Scolex) sitt Grieporgane, wo se sik in den Darm vund en Weert mit fastbacken könnt. Dat könnt eenfache Anbackkuhlen ween oder ok Suugmüler, de veel kumplexer sünd, un ok Hakenkränze an't Achterenne. De Bandwörmer sünd twuschen 3 mm (Vossbandworm)(Echinococcus multilocularis) un 20 m (Fischbandworm (Diphyllobothrium latum) lang.

Zyklus[ännern | Bornkood ännern]

Ut de Eier kruupt de Sesshakenlarve (Hexacanthlarve) ut. Se mutt vun en Twuschenweert upnahmen weern. Dor lagert se sik in in dat Geweev un warrt nu Metacestode nömmt. Nu hollt sik de Worm so lange ruhig in dat Geweev, bit de Twuschenweert vun en passlichen Weert (as Hund oder Minsch) upfreten warrt. In den sien Darm warrt de Worm nu free un siedelt sik dor an. De nee Weert warrt dor nu to'n Endweert bi. De Bandworm blifft in em un leevt dor as Mitfreter oder as Parasit in.

Wie de Bandwörmer schaden doot[ännern | Bornkood ännern]

Dn Vossbandworm siene Larven

Wenn dor nich to veel Bandwörmer in en Weert sitten doot, is dat meist keen groot Problem for den Weert. Bloß, wenn dat to veel sünd, kann dat angahn un de Weert nümmt af. Gefohr bringt avers de Metacestoden, wenn se sik in dat Geweev inlagert un dor gesund Geweeve bi an'e Sieten schuuvt un, as en Krebsgeswüür, ganze Organe to Dutt maken könnt. So passert dat u. a. bi den Vossbandworm (Echinococcus multilocularis), wenn siene Larven in den Weert sien Lief Zysten billen doot.

Systematik[ännern | Bornkood ännern]

To de Eucestoa höört en Reeg vun bekannte Bandwörmer oder Lintwurms, as:

Literatur[ännern | Bornkood ännern]

  • C. Arme, P.W. Pappas (Rutg.): Biology of the Eucestoda. 2 Bände. Academic Press, London u. a. 1983, ISBN 0-12-062101-0 (Bd. 1), ISBN 0-12-062102-9 (Bd. 2).
  • Peter Ax: Das System der Metazoa. Ein Lehrbuch der phylogenetischen Systematik. Band 2. Gustav Fischer Verlag, Stuttgart u. a. 1999, ISBN 3-437-35528-7.
  • Johannes Dönges: Parasitologie. Mit besonderer Berücksichtigung humanpathogener Formen. 2. Uplage, eenmol dörgahn un wieder maakt. Thieme, Stuttgart u. a. 1988, ISBN 3-13-579902-6.
  • K. Odening: 7. Stamm Plathelminthes. In: Alfred Kaestner: Lehrbuch der speziellen Zoologie. Band 1: Wirbellose Tiere. Teil 2: Hans-Eckhard Gruner (Rutg.): Cnidaria, Ctenophora, Mesozoa, Plathelminthes, Nemertini, Entoprocta, Nemathelminthes, Priapulida. 4. Uplage, ganz neet dörgahn. Fischer, Jena 1984, S. 341–440.
  • Reinhard Rieger: Plathelminthes, Plattwürmer. In: Wilfried Westheide, Reinhard Rieger (Rutg.): Spezielle Zoologie. Teil 1: Einzeller und wirbellose Tiere. Gustav Fischer Verlag, Stuttgart u. a. 1996, ISBN 3-437-20515-3, S. 243–247.