Doornbusch
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 1.176 (31. Dezember 2011) | |
| Postleettall: | 21706 | |
| Vörwahl: | 04143 | |
| Geograafsche Laag: | Koordinaten:53° 44′ N, 9° 21′ O53° 44′ N, 9° 21′ O | |
|
| ||
Doornbusch (hoochdüütsch Dornbusch) is en Dörp in de Gemeen Drochters in’n Landkreis Stood, Neddersassen. Blangen dat Dörp Doornbusch höört dor ok de Hööv in Doornbuschermoor to.
Geografie[ännern | Bornkood ännern]
De Naveröörd sünd Neeland un Wischhoben in’n Noorden, Kruutsand in’n Oosten, Drochters in’n Süüdoosten, Hüll in’n Süüdwesten un Wulfsbrokermoor in’n Westen.
Historie[ännern | Bornkood ännern]
In de Oorkunnen kummt Doornbusch toeerst 1361 as Dornebusch vör.
Al in dat 19. Johrhunnert is Doornbusch Deel von de Gemeen Drochters worrn.
Inwahnertall[ännern | Bornkood ännern]
| Johr | Inwahners |
|---|---|
| 1824[1] | 121 Füürsteden |
| 1848[2] | 833 Lüüd, 129 Hüüs |
| 31. Dezember 2011 | 1.176 |
Religion[ännern | Bornkood ännern]
Doornbusch is evangeelsch-luthersch präägt un Deel von dat Kaspel Drochters.
För de Kathoolschen is de Hillig-Geist-Kark in Stood tostännig.
Wapen[ännern | Bornkood ännern]
Dat Wapen von Doornbusch wiest op grönen Grund en grönen Boom mit rode Blomen.
Kultur[ännern | Bornkood ännern]
Verenen[ännern | Bornkood ännern]
De Schützenvereen Doornbusch is 1914 grünnt worrn. De Freewillige Füürwehr harr Doornbusch vör 1935 mit Wulfsbrokermoor tohoop, is denn aver en Oortswehr binnen de Füürwehr von Drochters worrn.
Weertschop un Infrastruktur[ännern | Bornkood ännern]
De Volksbank Keden hett in Doornbusch in de Doornbuscher Straat 74 en Filiaal. De Kreisspoorkass Stood harr in Doornbusch in de Doornbuscher Straat 32a en Filiaal, de to’n 28. Februar 2017 dichtmaakt hett.
Verkehr[ännern | Bornkood ännern]
Doornbusch liggt an de Landsstraat 111, de in’n Süüdoosten na Drochters un denn wieder na Stood geiht un in’n Noordwesten na Wischhoben un Freiborg löppt. Von de L 111 gaht na Noordwesten de Kreisstraat 19 na Kruutsand un de Kreisstraat 65 na Hüll af.
Von 1899 bet 1933 harr dat Dörp ok en Bahnhoff an de Kedener Kreisbahn.
Scholen[ännern | Bornkood ännern]
Dat Dörp hett mit de Grundschool Doornbusch en egen Grundschool mit twölf Schoolmeesters un üm un bi 150 Schölers (Stand 2011/2012).
Literatur[ännern | Bornkood ännern]
- Drochtersen mit seinen Ortsteilen Dornbusch, Krautsand und Nindorf in alten Ansichten. 2009
Footnoten[ännern | Bornkood ännern]
- ↑ C. H. Jansen: Statistisches Handbuch des Königreichs Hannover. 1824, Sied 140: http://books.google.de/books?id=tG0AAAAAcAAJ&pg=PA140
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 145: http://books.google.de/books?id=eOI-AAAAcAAJ&pg=PA145
