Demokraatsch-Republiekaansche Partei

Vun Wikipedia

De Demokraatsch-Republiekaansche Partei weer en politische Partei ut de Anfangstiet vun de USA, de as republiekaansche Partei grünnt weer aber nix mit de hüütige Republiekaansche Partei to doon hett. To de Demokraatsch-Republiekaansche Partei hett ok Thomas Jefferson höört, wat de Partei den Binaam Jefferson-Republiekaners.

Ehrn Oorsprung harr de Partei in de Gruppen vun de Anti-Föderalisten un de Anti-Administration Party, de sik gegen en to starke Zentralregeren för de noch jungen USA insetten deen. Se weern bang üm de Rechten de enkelten Staaten un de enkelten Inwahners. Na George Washington un den föderalistischen Präsident John Adams is Thomas Jefferson de eerste Präsident vun de Demokraatsch-Republiekaners worrn.[1] As de Föderalistische Partei ut’neen fallen weer, weer de Demokraatsch-Republiaknaasche Partei en Tiet lang de eenzige bedüdene Partei in de USA. Jemehr Kandidat James Monroe harr bi de Präsidentschopswahlen vun 1820 praktisch keen Gegners.

Bi de Präsidentschopswahl vun 1824 kreeg Andrew Jackson woll de emisten Stimmen, man he harr nich de afsluute Mehrheit. Dat Repräsentantenhuus, dat in so en Fall den Präsidenten ut de dree Bewarvers mit de meisten Stimmen wählt, hett John Quincy Adams to’n Präsidenten maakt. Dit Begeevnis harr aver en Naklapp un föhr to en duersomen Striet twüschen de Anhangers vun Jackson un Adams binnen de Partei. Korte Tiet later hett sik de Partei denn in de Demokraatsche Partei, de dat bit hüüt noch gifft, de Anhangers vun Jackson, de 1828 denn to’n Präsidenten wählt worrn is, un sien Gegners de National Republican Party opsplitt.

Demokraatsch-Republiekaansche Präsidenten weern:

  1. Thomas Jefferson (1801–1809)
  2. James Madison (1809–1817)
  3. James Monroe (1817–1825)
  4. John Quincy Adams (1825–1829)

Borns[ännern | Bornkood ännern]

  1. Ronald D. Gerste: Duell ums Weisse Haus: Amerikanische Präsidentschaftswahlen von George Washington bis 2008 NZZ Libro, ISBN 978-3-03823-416-6