Cragganmore
| Cragganmore | |
|---|---|
 De Brenneree Cragganmore (Foto: Andrew Wood) | |
| Land | Schottland |
| Region | Highlands |
| Tyyp | Malt |
| Status | aktiv |
| Besitter | Diageo |
| Grünnt | 1869 |
| Grünner | John Smith |
| Architekt | Charles Chree Doig |
| Waterborn | Craggan Burn |
| Washstill(s) | 2 x 8.725 l |
| Spiritstill(s) | 2 x 6.700 l |
| Produkschoonsvolumen | 1.600.000 l |
Cragganmore is en Whisky-Brenneree in Ballindalloch, Moray, Schottland. Se höört to’n Spirituosenkunzern Diageo (ehmols United Distillers), de den 12-johrigen Whisky vun disse Destille in sien Reeg vun de Classic Malts anbeden deit.
Historie
[ännern | Bornkood ännern]De Brenneree weer 1869 vun John Smith an’n Foot vun’n Craggan More Hill grünnt. Se steiht op de Lännereen vun Ballindalloch Castle in’n Noordoosten vun Schottland. Smith harr sik den Oort utsöcht vun wegen de Neeg to den Beek Craggan Burn as ok to de Bahnstreck Strathspey Railway. Dorto müss he den Grootgrundbesitter Sir George MacPherson-Grant betütern, dat he em en Stück Land in de Neeg vun de Iesenbahn verpachten de.
Smith sülvst harr al vörher veel Insichten in de Whisky-Destillatschoon, vunwegen dat he al as Manager bi de Macallan-, Glenlivet-, Glenfarclas- un de Clydesdale-Brennerew in Wishaw arbeit harr. De Iesenbahnstreck is intwüschen stillleggt, man an ehr geiht de Wannerweg Speyside Way langs. De Brenneree Cragganmore liggt an’n offiziellen Malt Whisky Trail in Schottland, de an acht Brennereen in de Speyside vörbigeiht.
Produkschoon
[ännern | Bornkood ännern]
De Destille tellt to dat schottische Whiskyrebeet Sepyside un nimmt ehr Water für de Produkschoon ut den Craggan Burn, de ut rein Quellwater spiest warrt. Dat Molt warrt ut de Roseisle Maltings in Elgin betogen un bargt en Phenolandeel vun blots 2 ppm. Brennt warrt in twee wash stills to 8.725 l un twee spirit stills to 6.700 l. De beidne spirit stills sünd ungewöhnlich flach un kort. De Form driggt wesentlich to’n Smack un to dat Aroma vun den Cragganmore bi.
De 12-johrige Cragganmore, so warrt seggt, is een vun de kumplexesten vun all Single-Malt-Whiskys. Bito gifft de Destille jeed Johr en Distiller’s Edition rut un Sünneraffüllen in unregelmatige Afstännen.
Kiek ok
[ännern | Bornkood ännern]Literatur
[ännern | Bornkood ännern]- Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
- Walter Schobert: Das Whiskylexikon. Fischer Taschenbuch Verlag, Frankfort an’n Main, 2003, ISBN 978-3-596-15868-3.
Weblenken
[ännern | Bornkood ännern]
Koordinaten:57° 25′ N, 3° 30′ W