Cesária Évora
Cesária Évora (* 27. August 1941 in Mindelo; † 17. Dezember 2011 ok dor[1]) weer dee bekannteste Singersche vun de Republiek Kap Verde. Se gull as de Königin vun de Morna.
Biografie
[ännern | Bornkood ännern]Cesária Évora warrt ok de „barfte Diva“ nöömt, vun wegen dat se jümmers ahn Schoh un Strümp optreden deit. Se stammt ut en Musiker-Familie ut de as Kultur-Hoochborg bekannte Stadt Mindelo op dat Eiland São Vicente. Ehr Vadder, Justino da Cruz Évora, hett de Vigelien speelt. He is fröh al doodbleven un so keem Évora eerst in en Kinnerheim un later to Pleegöllern. Leevt hett se vun Live-Optreden in de Kneipen un Bars vun de Stadt. 1988 het se in’t Öller vun 47 Johren ehrn eersten Plattenverdrag kregen un is dorna gau to’n Weltstar worrn.
Tosamen mit Peter Maffay hett se dat Leed Sodade opnahmen, de 2006 op Maffays CD Begegnungen 2 – Eine Allianz für Kinder rutkamen is.
Ehr Leder sungg se in de Spraak vun ehr Heimat, dat kapverdische Kreol.
In’t Johr 2008 hett Évora wiel en Tournee in Australien en Slaganfall hatt. In’n Oktober 2009 is ehr Album Nha Sentimento rutkamen, dat in Förhjohr 2009 in Mindelo un Paris opnahmen weer un vun José da Silva produzeert worrn is.
De Musik
[ännern | Bornkood ännern]De Grundtoon vun Évoras Leder is lyrisch. Themen sünd de Levenslust, Wehmoot un söte Melancholie, verloren Leev, Pien un Hapen: In Voz d’Amor hett he sungen:
Depere Geföhlen
As all dörkrüüzte See
Mien Heimat, mien versteken Welt
In de linken Siet vun mien Bost
De Musik to Évoras Leder warrt ut Gitarren, Vigelien, Akkordeon, Klarinett un Cavaquinho spunnen. De Achtergrund vun ehr Leder is de Historie vun ehr Heimat: Slavenhannel, Isolatschoon un Emigratschoon.
Utteken
[ännern | Bornkood ännern]- 1997: Kora All African Music Awards in de Kategorien Best Artist of West Africa, Best Album, Ehrenpries vun de Jury[2]
- 1998: Pries vun de Düütschen Schallplattenkritik[3]
- 1999: Pries vun de Düütschen Schallplattenkritik[3]
- 2004: Grammy in de Kategorie Weltmusik („World Music“) för dat Album Voz d’Amor
- 2009: Ridder vun de Ehrenlegion[4]
- vör 2004: Fief wietere Nomineeren för de Grammy Awards
Diskografie (Studio-Alben)
[ännern | Bornkood ännern]- Cesária (mit Tito Paris, Gitarr, Klavier, Gesang un Luis Morais, Klarinett, 1987)
- La Diva Aux Pieds Nus (1988)
- Distino de Belita (1990)
- Mar Azul (1991)
- Miss Perfumado (1993)
- Cesária (1995)
- Cabo Verde (1997)
- Café Atlantico (1999)
- São Vicente di Longe (2001)
- Voz d’Amor (2003)
- Rogamar (2006)
- Nha Sentimento (2009)
Kiek ok
[ännern | Bornkood ännern]Weblinks
[ännern | Bornkood ännern]
- Literatur vun un över Cesária Évora in de Düütschen Natschonalbökeree
- Websteed vun Cesária Évora
- Texten, Musikbispelen u. a.
- Biografie, Diskografie un Fotogalerie bi’t düütsche Label vn Cesária Évora
Borns
[ännern | Bornkood ännern]- ↑ Morreu Cesária Évora, afroopen an' 17. Dezember 2011
- ↑ List of the 1997 Kora event winners, afropen an’n 15. Februar 2010
- ↑ a b Biographie Cesaria Evora, in: Tropical Music (Websteed vun ehr Label in Düütschland), afropen an’n 15. Februar 2010
- ↑ Légion d'honneur pour Césaria Evora, "diva aux pieds nus et à la voix d'or", franzöösche Websteed vun’t Dagblatt La Dépêche vun’n 9. Februar 2009, afropen an’n 14. Februar 2010