Morna

Vun Wikipedia
Warrt ok as „Königin vun’t Morna“ betekent: Cesária Évora

Morna is de Naam vun en Musikricht vun Kap Verde. Dat warrt annahmen, dat de Morna op dat Eiland Boa Vista tostannen kamen is

Dat is op de Kapvereden de populärste un an’n wietsten verbreedte Musikricht, de sik uttekent dör en teemlich langsom Tempo un ehrn Swoorpunkt op Moll. Vergleken warrt de Musik faken mit de Fado ut Portugal. Se transporteert vör allen en melancholische Luun, de to’n Nadenken anreegt. Ehr Texten sünd tomeist prägt vun Heimweh, Lengen un Verlangen („Sodade“).

Speelt warrt de Morna vör allen mit Gitarr, Cavaquinho (en lütte veer-saitige Gitarr), Vigelien un en teihn-satige Gitarr. Ok Slaginstrumenten höört mit dorto. De – ok internatschonal – bekannste Morna-Singersche vun de Kapverden is Cesária Évora. Wietere bekannte Interpreten sünd to’n Bispeel Tito Paris, Lura oder Ildo Lobo.