Carl Wellenkamp

Vun Wikipedia

Carl August Bruno Wellenkamp (* üm 1820 in Hilmssen; † na 1888) weer en düütschen Verwaltungsbeamten.

Wellenkamp is üm 1820 as Söhn von’n Oberlandbomeester Clamor Adolf Theodor Wellenkamp in Hilmssen boren. He hett von Oostern 1838 af an Juristeree an de Universität Göttingen studeert un is dor Maat von dat Corps Hannovera ween.[1] Na dat Studium güng he in’n hannöverschen Verwaltungsdeenst.

Wellenkamp weer in de Tied 1839 bet 1842 Auditer bi dat Amt Wöltingerode. 1843/1844 weer he Amtsassesser supernumerär bi dat Amt Bilderlah un 1846 Amtsassesser supernumerär bi dat Amt Leer. 1850 weer he as Amtsassesser supernumerär Börgermeester von Elljeroe.

1852 hett Wellenkamp för korte Tied opdragswies dat Leid von dat Amt Syke övernahmen, weer denn von 1852 bet 1859 Amtmann von dat Amt Brinken un von 1859 bet 1863 Amtmann von dat Amt Esens. He is 1863 Amtmann von dat Amt Achem worrn. Nadem Prüßen 1866 dat Königriek Hannover annekteert hett, hett sik de Titel von den Posten von Amtmann op Amtshauptmann ännert. 1883 is he as Amtshauptmann na dat Amt Soltau wesselt un as to’n 1. April 1885 de Ämter in Kreise ümwannelt worrn sünd, weer he de eerste Landraad von’n Kreis Soltau. Dat is he bet 1888 bleven, as he in Rohstand gahn is.[2]

Literatur[ännern | Bornkood ännern]

Footnoten[ännern | Bornkood ännern]

  1. Kösener Corpslisten 1960, 42, 411
  2. Iselin Gundermann, Walther Hubatsch: Grundriß zur deutschen Verwaltungsgeschichte 1815-1945. Reihe A: Preußen, Band 10: Hannover. Marburg (Lahn) 1981, S. 699