Carl Franz August Meyer
Carl Franz August Meyer (* 5. März 1813 in Hannover; † 17. Dezember 1894 in Hameln) weer en düütschen Verwaltungsbeamten.
Meyer is 1813 as Söhn von Agnes Magarethe, borene Venzin (21. Februar 1794–14. April 1875), un den Koopmann Justus Heinrich Christophel Meyer (24. Juli 1786–13. Februar 1837) in Hannover boren. He hett sik an’n 29. April 1834 för en Studium von de Juristeree an de Universität Göttingen inschreven. In dat sülve Johr is he dor Maat von dat Corps Hannovera worrn.[1] Na dat Studium is he in’n hannöverschen Verwaltungsdeenst gahn un 1841 Auditer in Hannover worrn. 1846 weer he bi dat Amt Hannover as Amtsassesser bito ok Börgermeester von de Vörstadt Hannover. He weer von 1852 bet 1855 Amtmann von dat Amt Solzhusen, von 1856 bet 1859 von dat Amt Katelnborg-Lindau un von 1860 bet 1864 von dat Amt Oterndörp. 1864 is he Amtmann von dat Amt Hameln worrn. Nadem Prüßen dat Königriek Hannover 1867 annekteert hett, hett sik sien Titel op Amtshauptmann ännert. Bavento is he 1867 ok Kreishauptmann von’n Stüürkreis Hameln worrn. Amtshauptmann un Kreishauptmann is he bet 1885 bleven. He harr tolest den Titel von en Gehemen Regerungsraad.
Meyer hett an’n 17. Februar 1857 in Hannover Henriette Friederike Schellschläger (16. Januar 1830–23. Mai 1907) freet.[2] De beiden harrn de Kinner Justus Günter (20. Februar 1857–20. Februar 1922; Börgermeester von Hameln), Mathilde Karoline (* 26. Juli 1859), Rudolf Eduard (24. Juli 1860–5. April 1920), Karoline Elisabeth (18. Mai 1862–31. Mai 1935) un Werner Karl (22. Januar 1864–14. März 1942).[2]
Footnoten[ännern | Bornkood ännern]
- ↑ Heinrich Ferdinand Curschmann: Blaubuch des Corps Hannovera (1809–1899). Göttingen 2002, Nr. 378
- ↑ a b https://www.gedbas.genealogy.net/person/show/995152643