Brand (Landkreis Oosterholt)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28790 | |
| Vörwahl: | 0421 | |
| Geograafsche Laag: | Koordinaten:53° 13′ N, 8° 39′ O53° 13′ N, 8° 39′ O | |
|
| ||
Brand (hoochdüütsch Brande) is en Hoff in de Gemeen Swonewebel in’n Landkreis Oosterholt, Neddersassen.
De Hoff höört al von öllers bi Brundörp to.
Geografie
[ännern | Bornkood ännern]De Hoff liggt op de Oosterholter Geest. Dat Water ut dat Rebeed flütt över lüttjere Beken na de Blomendaler Au hen af. In’n Süden von’n Hoff flütt dat na de Beckdörper Beek.
De Naveröörd sünd Hahle in’n Noorden, Brundörp in’n Noordoosten, Stendörp in’n Süüdoosten, Hünertshagen, Hohehorst un Löhnhörst in’n Süüdwesten, Swankenforth in’n Westen un Eggst in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Hoff to de Mairie Swonewebel in’n Kanton Vesack höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Hoff hett vör 1852 to’n Bezirk Leessem in dat Gericht Leessem-Schönebeck tohöört, 1852 bet 1859 to dat Amt Leessem un denn von 1859 bet 1885 to dat Amt Blomendal. Na 1885 weer dat in’n Kreis Blomendal, de 1932 Deel von’n Kreis Oosterholt worrn is.
De Hoff hett von öllers to de Gemeen Brundörp tohöört. Düsse Gemeen is an’n 1. März 1974 mit de Gemeenreform in Neddersassen Deel von de Gemeen Swonewebel worrn.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 1 Füürsteed |
| 1824[2] | 1 Füürsteed |
| 1848[3] | 8 Lüüd, 1 Huus |
| 1. Dezember 1885[4] | 4 Lüüd, 1 Huus |
| 1. Dezember 1905[5] | 8 Lüüd, 1 Huus |
Religion
[ännern | Bornkood ännern]Brand is evangeelsch-luthersch präägt un höört siet 1967 to de Karkengemeen von de St.-Magni-Kark in St. Magnus. Vörher hett de Hoff to dat Kaspel von de Martin-Kark in Leessem höört.
För de Kathoolschen is de Hillige-Familie-Kark in Grohn tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Von Brand ut loopt lüttjere Straten na Brundörp in’n Noordoosten an de Landsstraat 149, na Stendörp in’n Süüdoosten an de Landsstraat 135 un na Löhnhorst in’n Westen an de Kreisstraat 1.
De nächste Autobahn is de Autobahn 27 (Afsnidd Bremen–Bremerhoben), de kuum 100 Meter in’n Oosten von’n Hoff langslöppt. De Opfohrt 14 Swonewebel liggt knapp veer Kilometer in’n Noorden von’n Hoff an de L 149.
De nächste Bahnhoff is so bi fiev Kilometer wied weg in’n Süden de Bahnhoff Aumund an de Bahnlien Vesack–Bremen.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 34
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 84
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 171
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 20
