Bollerholt
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27339 | |
| Vörwahl: | 04294 | |
| Geograafsche Laag: | Koordinaten:53° 0′ N, 8° 56′ O53° 0′ N, 8° 56′ O | |
|
| ||
Bollerholt (hoochdüütsch Bollerholz) weer en Hoff in de Gemeen Rier (Samtgemeen Thänhusen) in’n Landkreis Veern, Neddersassen. Vondaag warrt de ole Hoff un dat Land ümto as Campingplatz bruukt.
Geografie
[ännern | Bornkood ännern]De Oort liggt in de Masch von de Werser direkt achter’n Diek.
De Naveröörd sünd Bollen in’n Noorden, Bolleresch in’n Oosten, Slieme in’n Süüdoosten, Rier in’n Süden, Ausen in’n Süüdwesten un Grummenstreek in’n Noordwesten.
Historie
[ännern | Bornkood ännern]De Naam kummt dorvon, dat dat Rebeed, op dat Bollerholt liggt, fröher to Bollen höört hett un dor en Ekenholt stünn. De Bööm sünd in dat 18. Johrhunnert afhaut worrn. Vondaag is dat Land allens Wisch un Weid.
Bet 1970 hett dat en Wagenfähr geven, de twüschen Bollerholt un Bolleresch över de Werser föhrt is.
De Campingplatz Bollerholt hett 1968 mit 70 Stellplätz apenmaakt. Stand 2014 hett de Platz 320 Stellplätz op ölven Hektar.
Verwaltungsgeschicht
[ännern | Bornkood ännern]De Oort hett fröher bi dat Dörp Bollen mit bihöört. He weer vör 1852 in dat Gogericht Achem un denn von 1852 bet 1885 in dat Amt Achem. Na 1885 weer dat in’n Kreis Achem. Later is de Hoff tohoop mit 78,4 Hektar Land in de Gemeen Rier wesselt un dorbi an’n Kreis Syke kamen, de 1932 Deel von’n Landkreis Graafschop Heien worrn is. Mit de Gemeenreform in Neddersassen is de Gemeen Rier an’n 1. Juli 1972 in’n Landkreis Veern wesselt.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1871[1] | 4 Lüüd, 1 Huus |
Religion
[ännern | Bornkood ännern]Bollerholt is evangeelsch-luthersch präägt un höört to dat Kaspel von de Andreas-Kark in Rier. Fröher hett Bollerholt to dat Kaspel von de Johannis-Kark in Arbargen höört.
För de Kathoolschen is de Hillige-Familie-Kark in Karkweyh tostännig.
Weertschop un Infrastruktur
[ännern | Bornkood ännern]För Bollerholt is de freewillige Füürwehr Rier mit tostännig.
Verkehr
[ännern | Bornkood ännern]Bollerholt liggt an en Siedenstraat von de Landsstraat 203, de in’n Süüdoosten över Thänhusen, Morsen un Blenner na Veern löppt un in’n Westen in de Landsstraat 331 münnt. De L 331 wedder geiht in’n Noordoosten över Ausen un Drey na Bremen un in’n Süüdoosten över Rier, Emhusen un Swarm na Mattfeld.
De nächste Autobahn is de Autobahn 1 (Afsnidd Bremen–Ossenbrügge). De Opfohrt 56 Oorssen liggt so negen Kilometer in’n Noordwesten von Bollerholt an de L 331/B 6n. De Opfohrt 24 Achem-Oost op de Autobahn 27 (Afsnidd Bremen–Wasra) liggt 15 Kilometer in’n Noordoosten an de L 156.
De nächste Bahnhoff is so bi söven Kilometer wied weg in’n Noordwesten de Bahnhoff Drey an de Bahnlien Bremen–Ossenbrügge.
Footnoten
[ännern | Bornkood ännern]- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 165
