Belikin
Belikin is en Beer, dat von de Belize Brewing Company, Ltd. broot warrt. De Broeree hett ehren Seet in Lords Bank/Ladyville in de Neegd von Belize-Stadt.
Dat Logo von de Broeree wiest den Maya-Tempel von Altun Ha.
Blangen Lager un Stout hett de Broeree ok en Guinness-Beer in’t Programm.
Historie
[ännern | Bornkood ännern]Dat Ünnernehmen is an’n 29. Mai 1969 von Eric Bowen un sien Söhn Barry Bowen grünnt worrn. De Naam betüht sik op de Theorie, dat de Naam von dat Land Belize von en Maya-Woord belikin kummt, dat „Weg na Oosten“ bedüüdt.
De beiden Bowens hebbt sik mit Berty R. Hogge von de Cerveceria Hondureña ut Honduras tohoopdaan un dat Materiaal för de Broeree allens Second Hand köfft. 1971 weren se so wied, dat se dat eerste Beer broot harrn.
Eric Bowen hett sien Andelen 1977 an Barry Bowen övergeven. 1981 hett Barry Bowen denn de Andelen opköfft, de de Cerveceria Hondureña tohöört hebbt. In dat Johr 2000 sünd de olen Second-Hand-Broereeanlagen ersetzt worrn mit en kumplett nee boote Broereeanlaag. In dat sülve Johr is dat Lighthouse-Lager-Beer op’n Markt kamen. Na Barry Bowen sien Dood 2010 hett Michael H. M. Bowen dat Leid över dat Ünnernehmen övernahmen.
Weblenken
[ännern | Bornkood ännern]
- Websteed von dat Ünnernehmen (engelsch)