Baarnstrup

Wapen/Flagg

Koort

Basisdaten

Bundsland: Neddersassen

Landkreis: Deefholt

Flach:

52,36 km²

Inwahners:

5.964 (2006-12-3131. Dezember 2006)

Inwahnerdicht:

113,9 Inwahners pro km²

29 m över de See

49406

05442

Koordinaten:52° 42′ N, 8° 30′ O52° 42′ N, 8° 30′ O

Grenzen bi OSM:

1461203

Öörd in de Gemeen:

4

Börgermeester:

Peter Luther

Websteed:

www.barnstorf.de

Baarnstrup (hoochdüütsch Barnstorf) is en Flecken in de Samtgemeende Baarnstrup in den Landkreis Deefholt in Neddersassen. Dor is ok de Verwalten vun de Samtgemeen ünnerbröcht.

Laag

Baarnstrup liggt twuschen den Dümmer See un de Wilshuser Geest, tämlich in'e Midden twuschen Bremen un Ossenbrügge. Westlich vun den Oort liggt dat Grote Moor.

Gemeendedelen

To den Flecken höört noch de Oortsdelen Aldörp, Dreeke/Mäkel un Rechtern mit to. Mit to de Samtgemeen höört noch de Gemenen Drebber, Eidelstee un Drentwede.

Klima

In Baarnstrup regeert en matig Seeklima. En fochtigen Noordwest vun de Noordsee her speelt dor en Rull bi. In Dörsnitt liggt de temperatur över al de Johren hen bi 8,5° - 9,0°C un dat gifft woll bi 700 mm Regen un Snee in't Johr. Twuschen Mai un Augustmaand schall dat woll bi 20-25 Summerdaag geven (dat sünd Dage, wo dat mehr as 25 °C an'n Dag gifft).

Historie

To'n eersten Mol warrt Baarnstrup in en Urkunn ut dat Johr 890 nömmt. Dormols geev dat verscheden Molen Striet vunwegen de Grenz twuschen dat Bisdom Mönster un dat Bisdom Ossenbrügge. Later höör Baarnstrup na de Graafschop Deefholt to, man denn keem dat na Bruunswiek-Lüümborg. Na de Franzosentiet hett dat Königriek Hannober de Gegend tospraken kregen. An't Enne vun dat 19. Johrhunnert is Baarnstrup an de Iesenbahnstreck Bremen-Ossenbrügge anslaten wurrn. 1952 is denn to'n eersten Mol na Eerdööl bohrt wurrn vun de Wintershall AG. 1964 hett de Bundswehr dat Flegerafwehrraketenbataillon 25 statschoneert, man 2005 is dat wedder aftagen. Seet vun de Samtgemeende Baarnstrup is de Flecken vun 1974 af an.

Politik

Gemeenderaat

In den Gemeenderaat vun Baarnstrup sitt 19 Lüde:

CDU 6 Sitten
SPD 7 Sitten
Bündnis 90/De Grönen 1 Sitt
FDP 4 Sitten
Alexander Grimm 1 Sitt

(Stand: November 2006)

Börgermeester

An'n 9. September 2001 is Peter Luther to'n ehrenamtlichen Börgermeester vun den Flecken wählt wurrn.

Wat in Baarnstrup los is un wat een sik ankieken kann

Kark

Fröher hett de evangeelsche St. Vitii-Kark ok den Naam Kark to'n Hilligen Krüüz harrt. Dat hannelt sik dor üm een staatsche Saalkark ut de late Romanik bi. Se is ut Backsteen boot mit en Apsis un mit en vörstellten Toorn in'n Westen. Düüse Toorn driggt en Pyramidenhelm.

Weertschup un Verkehr

Dör de Gemeende dör löppt de B 51 vun Bremen över Bassen un Deefholt na Ossenbrügge. Na de A 1 hen sünd dat bi 32 km.

Bildung

Scholen, Kinnergaarns etc.:

Grundschool Baarnstrup
Christian-Hülsmeyer-School - Hööft- un Realschool Baarnstrup
Kinnergaarn "De lüttjenen Fleetangels" - Privat Öllerngrupp

Literatur

Barnstorf. In: Georg Dehio: Handbuch der Deutschen Kunstdenkmäler. Bremen Niedersachsen. München / Berlin 1992, S. 190 f.
Baarnstrup (mit Cornau u. Drebber) in den Artikel vun Nancy Kratochwill-Gertich u. Antje C. Naujocks: Diepholz. In: Herbert Obenaus (Rutg. tohopen mit David Bankier un Daniel Fraenkel): Historisches Handbuch der jüdischen Gemeinden in Niedersachsen und Bremen. Band 1 un 2 (1668 S.), Chöttingen 2005, Sieten 468-478

Kiek ok bi

Projekt to'n Sammeln vun plattdüütsche Oortsnaams in de Landkreise Deefholt, Nienborg/Werser un Veern

Weblinks

Städer un Gemenen in den Landkreis Deefholt